Home Saude Covid-19 Ba Loron 7 Abril, Suspeitu 46, Dr. Rui: Corona Hela Iha...

Covid-19 Ba Loron 7 Abril, Suspeitu 46, Dr. Rui: Corona Hela Iha isin Laran To’o Loron 30, Ba Ema Neebe Positivu

1527
0
Portavoz CIJK, Dr. Rui Araujo. [Foto: Francisco JDA | 07.04.2020]

Reportazen Zevonia Vieira

Centru Integradu Jestaun Krize [CIJK] kontinua informa situasuan covid-19 iha Timor-Leste, liu hosi centru media CIJK, portavoz Dr. Rui Araujo hateten evolusaun ka progresu hosi ita hotu nia esforsu hodi prevene moras Covid-19, akumulativamente signifikamente dadus hosi fulan Fevereiu to’o agora.

“Ema ne’ebe ita suspeita hatudu sintomas covid-19 hamutuk 46 ba ohin loron, tanba ohin aumenta nain 2. Hosi sira ne’e 41 mak negativu ona no la muda, iha 1 mak konfirmadu no la muda, nain 4 mak sei hein rezultadu laboratoriu”, hateten Dr. Rui iha CCD, 07/04.

Dr. Rui mos informa katak iha konfinamentu obrigatoriu total ema nain 958, hosi total refere, ema nain 884 iha fasilidades ne’ebe estadu prepara, nain 74 mak halo auto-konfinamentu iha uma.

“Hosi konfinamentu orbigatoriu ne’e loron 2 liu ba, iha balun mos halo iha Ro laran,  sira sei manten nafatin, ita nia mediku sira sei akompanha nafatin. Sira hamutuk nain 30 iha Ro laran. Iha RAEAO nain 68 konfinamentu obrigatoriu. Iha Atauro sedauk halo konfianamentu obrigatoriu iha ne’eba, maibe sira halo auto-konfinamentu obrigatoriu iha sira nia uma nain 4 maibe sira pasa hotu ona”, esplika Dr. Rui Araujo

Relasiona ho maluk sira ne’ebe horseik kompleta ona kuarentena loron 14 no fila ona ba sira nia uma, total ema nain 736, hosi numeru refere, ema nain 617 mak iha capital Dili no 119 iha municipio sira seluk.  Pontus importante hosi CIJK hatoo ba publiku maka, hare ba dadus ohin, laiha numeru aumentu barak iha suspeitu nian, iha oras 24 nia laran ikus.

“Sira ne’ebe kompleta ona konfinamentu obrigatoriu fila ona ba idak-idak nia uma, presiza atensaun nafatin, sekarik iha sintoma ruma bele ba centru saude nebe besik ou kontaktu 119”, hateten Dr. Rui

 Dr. Rui mos informa katak virus Corona bele hela to’o loron 30 iha ema nia isin, ida ne’e so aplika ba ema ne’ebe positivu ona, laos sira ne’ebe sai hosi kuarentena obrigatoriu. Sira ne’ebe sai hosi konfinamentu obrigatoriu la hatudu sintomas no rezultadu negative, ne’e laiha risku no laiha virus iha sira nia isin laran.

CIJK apela ba Timor oan tomak ne’ebe sei hela iha tasi balun, viazen hakur tasi, hakur nasaun barak bele lori risku ba imi atu hetan virus Corona kontanjia. CIJK husu diak liu hakmatek iha fatin lalika halo viazen lai.

Print Friendly, PDF & Email

LEAVE A REPLY

Please enter your comment!
Please enter your name here