Home Notisia Iha Reflesaun Loron RENETIL, Pedrito: La Satisfás Ho Estratejia Polítika Balun Ne’ebé...

Iha Reflesaun Loron RENETIL, Pedrito: La Satisfás Ho Estratejia Polítika Balun Ne’ebé La Pro Povu

221
0
Moderador membru RENETIL, Virgilio Guterres Lamukan ho Pedro Vieira "Loivacu" iha kalan reflesaun RENETIL. [Foto: Adroaldo | 22.06.2022]

Reportajen Adroaldo “Saretukau”

Iha ámbitu kalan reflesaun hodi komemora loron moris  organizasaun Resistência Nacional dos Estudantes de Timor-Leste (RENETIL) ba dala-34,  membru RENETIL Hortencio Pedro Vieira “Loivacho”, hanesan mos Koordenador Nasional Rede ba Rai (RbR) ladun satisfas ho disputa balu, liga ho estratéjia polítika balu ne’ebé ladún pro ba povu.

Iha reflesaun ne’e, hosi perspetiva sosiedade sivíl nian Hortencio Pedrito  “Loivacho” foti liu kestaun ka polítika governu nian, liga ho disputa rai entre governu ho nia povu rasik, iha ne’ebé governu buka atu dudu ses nia komunidade hosi rai ne’ebé sira hela sein iha justisa ida justu. Nia akompaña, durante ne’e iha diskusaun barak mak halo dehan katak Timor ne’e iha mudansa boot ona, maibé na realidade ida ne’e la akontese.

“Polítika ida ne’ebé RENETIL nonok de’it ho membru militante RENETiL ne’ebé mak serbisu iha governu, hola parte iha programa planu dezenvolvimentu atu duni ses rai na’in hosi sira nia fatin, ida ne’e polítika infantil ne’ebé mak la refleta duni ita nia situasaun, pur ezemplu maluk sira iha Aileu, sira iha rai bokur, rai tetuk, sira moris lor-loron, ekonomikamente depende ba rai ida ne’e, agora ita hakarak duni fali sira see hosi rai ne’e, entaun sira atu ba hela iha ne’ebé, atu buka moris iha ne’ebé, ida ne’e mak ha’u sente ladun di’ak ida,” militante RENETIL ne’e preokupa.

Pedrito hato’o sentimentu la kontente ho membru RENETIL barak ne’ebé hola parte iha membru governu, maibé ladún iha interese haree ba situasaun moris povu nian, hodi hatuur polítika justu ba halo mudansa.

“Ita nia situasaun populasaun ne’e patina nafatin, ida ne’e mak situasaun grave, ha’u la dun kontente tanba ita memberu militante Renetil ne’ebé mak barak maibé labele konsege hadi’a situasaun ida ne’e,” nia preokupa.

Kalan reflesaun RENETIL nian hodi komemora loron RENETIL nian ba dala-34 ho tema “RENETIL iha kombate hasoru visiu polítika sira: to’o iha ne’ebé ona?”

Print Friendly, PDF & Email

LEAVE A REPLY

Please enter your comment!
Please enter your name here