Home Notisia MOP Selu na Orsamentu $112 millones ba Kompania Sira

MOP Selu na Orsamentu $112 millones ba Kompania Sira

260
0
MOP realiza seminariu iha Novo Turismo. [Foto: Francisco JDA | 18.11.2020]

Reportazen Francisco JDA

Ministeriu Obras Publika (MOP) realiza seminariu ne’ebe fasilita hosi Gabinete Primeiro Ministru, hosi Unidade Planeamentu Monitorizasaun Avaliasaun (UPMA)  ho tema “Planu Asaun no Planu Aprovizionamentu iha Sistema Online Planeamentu Dalan ba Futuru”,  ho objetivu atu forma diresaun MOP no agencia sira, atu bele familiariza ho sistema no komesa prepara ba orsamentu jeral 2021 nune’e bele komprende bainhira implementa.

Ministru Obras Publika, Salvador Pires ba jornalista sira hateten, dadaun ne’e governu halao hela orsamentasaun bazeia ba programa 2021, iha fundu infraestrutura no linha ministeriais tau osan kuaze manutensaun ba Estrada, ponte no ba iha reabilitasaun tau iha fundus infraestrutura ne’ebe porvolata 800km estradas, laos deit estrada nasional, maibé estrada municipal no rural.

“Ba estrada rural, porvolta 300 km ne’ebe mak ita sei halo faseadamente, ita tenta atu finansia tuir ita nia pakote ou kapasidade finansiemntu hosi governu, laos ministériu obras públikas deit maibé ministériu sira seluk nia programa durante ne’e”, hatete Ministru Salvador Pires iha Hotel Novo Turismo, 18/11

Nia dehan kompania sira ne’ebe halao projeitu remata ona, nia pagamentu prosesu hela, serbisu ho liña ministériu sira, nune’e atu halo pagamentu ba projeitu ne’ebe mak implementadu ona, tanba sistema birokrasia estabelese hanesan ne’e laos MOP deit mak halo pagamentu, maibé prosesu pagamentu ne’e rasik nia admistrativa liga ho ministériu seluk sira, fiskaliza iha vistu nune’e avansa ho pagamentu.

Nia Salienta liu tan katak orsamentu ne’ebe finansia ona ba kompana sira mak hamutuk $112 miloens, pagamentu programa ka projeitu hotu ne’ebe iha katak ne’e atualizadu no kompromisiu kuaze $40 miloens ho obligasaun $18 miloens ne’ebe agora lao hela, orsamentu ne’ebe kompromete tiha ona hein hodi halo prosesu pagamentu ne’e.

LEAVE A REPLY

Please enter your comment!
Please enter your name here