Home Notisia FONGTIL Husu CIJK Aplika Prinsipiu Integradu, Dr. Rui: Sala de Situasaun Konsentra...

FONGTIL Husu CIJK Aplika Prinsipiu Integradu, Dr. Rui: Sala de Situasaun Konsentra Liu Ba Kestaun Saude

270
0
Portavoz CIJK, Dr. Rui Araujo. [Foto: Francisco JDA | 02.05.2020]

Reportazen Zevonia Vieira

Relasiona ho Rekomendasaun hosi Forum ONG Timor-Leste [FONGTIL] ne’ebe husu ba Centru Integradu Jestaun Krize [CIJK] atu relata informasaun konaba socio-ekonomiku hosi Covid-19 ne’ebe hatoo hosi Diretor FONGTIL, Daniel dos Santos banhira lansa centru media iha FONGTIL konaba impaktu hosi Covid-19 ba socio ekonimiku.

“Centru Integradu Jestaun Krize atu aplika prinsipiu integradu relatorio prosesu loron-loron. CIJK mos presiza relata informasaun sira konaba situasaun sosio ekonomia no direitus humanus atu publiku mos bele akompanha”, hateten Diretor FONGTIL

Hatan ba kestaun ida ne’e bainhira Neon Metin halo konfirmasaun ho portavoz CIJK, Dr. Rui Araujo konaba rekomendasaun hosi FONGTIL. Ba Neon Metin Dr. Rui hateten obrigada ba sujestaun hosi FONGTIL, maibe presiza hatene katak ezistensia hosi CIJK tanba ita infrenta hela surtu Covid-19, entaun foka ba informasaun ne’ebe hatoo ba publiku relasionadu barak liu ho covid-19.

“Forsa hosi tarefa sira seluk ne’ebe partisipa iha prosesu ne’e, sira mos halao serbisu hodi kontribui maibe keta haluha mos katak iha area ida ne’e kompetensia Ministeriu relevante sira sei nafatin halo serbisu. Ministeriu ne’ebe koordena konaba asumtu ekonomiku, Ministeriu ne’ebe hare kestaun sosial sei halo nafatin. Sala de situasaun nia focus no hare ba kalanidade ne’ebe relasiona ho saude, tan ne’e mak durante ne’e ita konsentra makaas liu ba kestaun saude”, hateten Dr. Rui iha CCD, 02/05.

LEAVE A REPLY

Please enter your comment!
Please enter your name here