Reportazen Francisco JDA
Governu liu hosi Ministeriu Negosio Estranjeiro no Kooperasaun [MNEC] halo ona esforsu no halo ona kontaktu ho Governu Xina liu hosi meiu komunikasaun ba faze primeiru. Governu China apoiu ona ekipamemtus balun no ohin apoiu ba daruak nian.
Ministeriu Negosio Estranjeiru no Kooperasaun, Dionisio Babao Soares ba jornalista sira hateten, doasaun ida e’e fo ona esperansa ba governu, sekarik Timor tama iha alerta ba Covid-19 tuir mai, bele ona hasoru situasaun ho diak liutan.
Ministru Dionisio hatutan governu China apoiu ona Timor-Leste iha faze primeiru, nune’e hosi ajuda ekipamemtu ba daruak nian, kompania ho empresariu Chinese iha Timor-Leste mak selu aviaun tula sasán Mai Timor-Leste.
“Sira nia governu mak halo mobilizasaun ba sasán iha ne’ebá, Chinese sira iha ne’e mak ajuda selu ka charter Aviaun bele lori to’o iha ne’e, hatudu katak sira respeitu tebes ita nia pais, tanba sira mós hela iha ne’e parte hosi komunidade, tanba ne’e mak ajuda haruka sasán sira ne’e mai”, informa Dionisio Babo Soares.
Sasán hirak ne’ebé governu China Ajuda mai Timor Leste mak hanesan Maskra 42 Mill, 40 Mill Maskra ho tipu KN95, 4400 aventais protesaun, 4.440 Vizeiras, 4.400 kapa ba sapatu sira, 5000 luvas ba médiku sira, 80 termomentru no 90 Ventilador
MNEK sei kontinua serbisu hamutuk ba apoiu terseiru ne’ebe sei mai hosi China, liu-liu hosi Alibaba Foundation.
