Home Notisia RENETIL Fo Omenajen Ikus Ba Saudozu Adolfo Soares “Mau Lamas”

RENETIL Fo Omenajen Ikus Ba Saudozu Adolfo Soares “Mau Lamas”

355
0
RENETIL fo omenajen ba saudozu Mau Lamas. [Foto: Francisco JDA | 23.09.2021]

Reportajen Francisco JDA

Estrutura ho militante Resistência Nacional dos Estudantes de Timor-Leste (RENETIL) tomak fo omenajen ikus ba saudozu fundadór RENETIL, Adolfo Fontes  Soares “ Mau Lamas” iha sede RENETIL molok lori ba halot iha Jardin eroi da Patria Metinaro- Dili

Iha serimónia Funebre Saudozu Adolfo Fonte Soares “Mau Lamas” tuir Sekretariu Jeral RENETIL Joaquim Fonseca “ Russuo” hateten katak kompañeiru “Mau Lamas” mai iha Jardin eroi da patria tanba ne’e, desizaun ida hosi estadu atu fo onra ba ema sira ne’ebe kontribui luta naruk Timor -Leste nian ba ukun rasik an.

“Ninia mate ne’e istória,  ne’e obriga ita atu halo reflesaun ida, ema sira ne’ebe joga futeból kuandu ba joga torneiu ida hotu balun kanek no tohar ne’e ba kurativu lai depois mak ba kontinua fali. Libertasaun ne’e iha faze rua, libertasaun patria tebe inimigu sai, libertasaun povu fila fali, povu tenke moris diak, tanba inimigu sai, o mos tenki serbisu daudauk ona para bele halo libertasaun do povu ne’e. Iha kompañeiru Mau Lamas nia istória ita bele hare buat ida ne’e, ita dalaruma la konsege rekupera maibe tenki kontribui” hatete Sekretáriu Jeral RENETIL Russuo iha jardin de eroi da Patria Metinaru, 23/09

Sekjen dehan kompañeiru Adolfo kilat la tarutu, mais hau nia liafuan ne’e mak kilat, tanba dehan  luta ne’e devér sagradu ida hosi povu maubere hotu nia oan, tanba ida ne’e mak o luta onra ba o”

Entretantu família matebian “Mau Lamas” Hermenijildo Pedruco iha intervensaun hatete katak, saudozu Mau Lamas nia luta la husu ba nasaun, entaun buat ne’ebé mak saudozu sira halo sai hanesan matéria ida ba jerasaun, atu estuda hodi dezenvolve diak liu tan rai ne’e, nune’e mos bele sai prospero

“Laran todan tebes atu dehan adeus ba hau nia tiun, tanba distánsia ne’ebe dook nia isin mai tau iha ne’e katak família nia distánsia dook tebes, ami difisil no triste tebes bainhira nia mesak mak hakoi iha ne’e tanba ne’e ami sente triste”, hatete família Matebian Saidozu “Mau Lamas”.

Print Friendly, PDF & Email

LEAVE A REPLY

Please enter your comment!
Please enter your name here