Home Saude Angelita Apresia Ho Distribuisaun Sereál Ba Inan Isin-rua Tanba Kombate Mal-Nutrisaun

Angelita Apresia Ho Distribuisaun Sereál Ba Inan Isin-rua Tanba Kombate Mal-Nutrisaun

82
0
WFP no MS lansa distribuisaun Sereal. [Foto: Joselina | 11.05.2022]

Reportajen Joselina dos Santos

“Primeira vez simu Super Cereal ne’e hodi kombate mal-nutrisaun, tanba ne’e nia rekomenda ba governu karik bele ba oin apoiu mos ai-moruk vitamina, tanba dala ruma ai-moruk vitamina iha Centru saúde menus liu”, Angelita

Inan isin-rua Angelita da C. da Costa hato’o sentimentu kontente ba Programa Lansamentu distribuisaun Super Cereal ba Labarik krekas, no inan isin-rua no inan fo susu, tanba foin primeira vez simu Super Cereal ne’e hodi kombate mal-nutrisaun, tanba ne’e nia rekomenda ba governu karik bele ba oin apoiu mos ai-moruk vitamina, tanba dala ruma ai-moruk vitamina iha Centru saúde menus liu.

Iha fatin hanesan Prezidente Autoridade Lokál Postu Administrativu Metinaru Munisípiu Dili, hato’o agradese wain ba Governu Timor-Leste, Governu Xina no mos ba Reprezentante WFP, tanba fó konfiamsa hodi realiza serimónia Lansamentu ba Distribuisaun Super Cereal ba inan isin rua no inan fo susu sira nomos ba labarik krekas sira ne’ebe sofre husi mal-nutrisaun iha Timor-Leste.

Iha diskursu ne’e Reprezentante Autoridade Lokál Postu-Administrativu Metinaru Munisípiu Dili Agustina Segurado hateten Lansamentu ne’e hanesan mos planu estratéjiku iha loron rua liu ba, munisípiu Dili hetan mos reprezentante autoridade, hamutuk ho nia membru partisipa iha momentu ne’eba katak Dili sai hanesan album ba iha programa mal-nutrisaun liu-liu ba labarik krekas inan isin-rua no inan fo susu sira.

“Iha oportunidade ida ne’e, distribuisaun Centru Saúde 5 dili laran simu ona, iha lansamentu ida ne’e simbólika ho suplementu ne’e espera bele apoiu ba ita nia feto maluk sira, hein atu kompleta tan suplementu sira seluk  ne’ebe mak sei iha prosesu nia laran, espera sei mai hodi responde ba ita nia peskiza no mos sai hanesan papél importante ida hodi fo prioridade makaas  ba asuntu ida ne’e,” dehan,  Reprezentante Autoridade Postu-Administrativu Metinaru Munisipiu Dili iha nia diskursu serimónia Lansamentu, iha Centru Saúde Metinaru, 11/5.

Print Friendly, PDF & Email

LEAVE A REPLY

Please enter your comment!
Please enter your name here