Reportajen Zemila Da Costa Calau
Provedor Direitu Umanus no Justira organiza enkontru annual ho instituisaun Direitu Umanus iha Sudeste Aziátiku (SEANF) tinan 2024.
Liuhusi enkontru annual ne’e, Provedor Direitu Umanus no Justisa, Virgilio Guterres da Silva hateten liuhusi enkontru ne’ehe hodi koalia situasaun hirak ne’ebe liga ho asuntu direitu umanus ne’ebe enfrenta iha rejiaun sudeste aziátiku, no identifika dezafiru sira ne’ebe akontese.
“Ami deskuti barak liu konaba trafiku umanu, issue fronteira, torturasaun iha sela dentasaun ne’ebe akontese iha Tailándia. Iha diskusaun mos konaba mekanizmu halo investigasaun iha parte direitu umanus nian», dehan Virgilio ba jornalista sira.
Iha fatin hanesan Xefe Komisaun Nasional ba Direitu Umanus, husi Indonesia. Dr. Atnike Nova Sigiro hateten liuhusi enkontru ne’ebe kada reprenzentante nasaun hanesan Indonesia, Timor-Leste, Malaysia, Tailándia, Filipina no Myanmar hodi koalia asuntu violasaun direitu umanus ne’ebe akontese iha tempu COVID-19, prevene torturasaun ba ema seluk no asuntu importante sira seluk.
Nia dehan liuhusi enkontru ida ne’e haforsa no dudu dezenvolvimentu ne’ebe diak, no protesaun ba direitu umanus iha sudeste aziátiku.
Membru ba SEANF mak hanesan Komnas HAM Indonezia, SUHAKAM Malázia, CHRP Filipina, NHRCT Tailándia, no MNHRC Myanmar no Timor-Leste
