Home Justisa Trajedia Rai Kotu, Rede Feto Prontu Fo Apoiu Asistensia Ba Vitima no...

Trajedia Rai Kotu, Rede Feto Prontu Fo Apoiu Asistensia Ba Vitima no Luta Ba Justisa

387
0
trajedi Rai Kotu. [Foto: Copyright Facebook | 31.10.2020]

Reportazen Zevonia Vieira

Rede Feto ho nia membru sira, liu hosi loron nasional feto nian, fo hanoin ba publiku katak Estadu mak autór prinsipál no iha obrigasaun atu promove, proteje no hakonu direitu sidadaun nian liga ba Konstituisaun RDTL artigu 105, kona-ba kompeténsia no kna’ar Governu nian no mos  hanesan sidadaun  ema hotu, iha dever atu hamri’ik no kontra formas violencia saida deit hasoru feto no labarik.

“Rede Feto ho ninia membru sira hanesan organizasaun sosiedade sivíl iha nia papél atu apoia serbisu Estadu tuir kbi’it sosiedade sivíl hodi defende direitu ema hotu nia liuliu feto no labarik no grupu vulnerável sira”, deklara Rede Feto iha konferensia imprensa, 04/11.

Trajedia Rai Kotuk ne’ebe hamate inan feton ho inisial DS bainhira atu salva nia oan hosi hahalok tentativa halo violasaun sexual, liu hosi konferensia imprensa Rede Feto nia membru sira hateten katak Rede Feto apresía ba komentariu no interpretasaun balun husi maluk sira, relasiona ho “Justisa ba vítima DS”.  Rede Feto ho nia membru tomak no parseiru sira nakloke simu krítika konstrutivu no prontu kolabora, hodi apoiu asisténsia ba vítima no luta ba justisa ba vítima violénsia bazeia ba jéneru. 

Rede Feto mos hateten kondena maka’as hahalok at hasoru feto no labarik feto, inklui grupu vulneravél sira no mos kondena ema ka sidadaun hirak ne’ebé halo krime oioin hasoru feto no labarik, liuliu kazu Rai Kotu ne’ebé hakotu  inan feto  ho inisál  DS  nia vida, ne’ebé ema oho tanba defende nia Oan feto nia dignidade.

Ho akontesementu ne’ebe akontese Rede Feto no parseiru sira ejize justisa ba vítima DS no alin LD.

Tuir Rede Feto nia hanoin katak iha tempu ukun-an ne’e, Feto Timor-Leste kontinua hasoru dezafiu oi-oin iha setór ekonómia, saúde, justisa, infrastrutura, violénsia no asuntu sosiais seluk, ne’ebé feto sira infrenta iha sira nia moris lor-loron.

Print Friendly, PDF & Email

LEAVE A REPLY

Please enter your comment!
Please enter your name here