Home EduTek UNICEF Sei Apoiu SEKOMS Konaba Literasia Dijital no Promove Internet Saudavel

UNICEF Sei Apoiu SEKOMS Konaba Literasia Dijital no Promove Internet Saudavel

865
0
SEKOMS hasoru malu ho UNICEF. [Foto: Media SEKOMS | 11.08.2021]

Hakerek nain media SEKOMS

Sekretariu Estadu Komunikasaun Sosial (SEKOMS) fo apresiasaun ba UNICEF ne’ebe kontinua serbisu hamutuk ho SEKOMS.

Liu husi vizita kortejei husi reprezentante Unicef, Bilal Aurang Zeb Durrani, Sekretariu Estadu Mericio Juvinal dos Reis Akarak hateten durante ne’e UNICEF halo kooperasaun di’ak ho SEKOMS kuaze tinan 11 liuliu apoiu rádiu komunidade.

“Kooperasaun sira ne’e ita mantein kontinua kolabora ho rádiu komunidade, maibe iha ideia foun apoia iha literasia dijitál, promove internet saudavel, sentru informasaun iha suku sira , nune’e joven no labarik sira bele mós asesu ba informasaun”, dehan Akara.

Governante ne’e esklarese, Programa Naroman ba Suku, iha atividade hirak ne’ebe UNICEF iha interese hakarak kolabora, liu husi diálogu komunitáriu apoia teleconference no promove sentru formasaun iha nivel suku.

Akara hatutan tan hanesan Governu apresia parseiru sira, hanesan UNICEF ne’ebé mós tau atensaun ba asuntu labarik sira.

Entretantu Reprezentante UNICEF, Bilal Aurang Zeb Durrani dehan durante kooperasaun halo liu iha area televizaun, radio no area sira seluk, espera vontade hodi kontinua  koopera ho SEKOMS iha área sentru informasaun suku atu envolve joven no labarik sira iha suku.

Nia hatutan iha kooperasaun ne’e mós koa’lia kona-ba oinsá peskiza hodi hatene ema uza internet iha Timor-Leste.

Print Friendly, PDF & Email

LEAVE A REPLY

Please enter your comment!
Please enter your name here