Home EduTek Mythos Lab ho UN Women Realiza Formasaun Digital Literacy Ba Foinsa’e Sira

Mythos Lab ho UN Women Realiza Formasaun Digital Literacy Ba Foinsa’e Sira

227
0
Mythos Lab iha India aprezenta hela konaba digital literacy. [Foto: Zevonia Vieira | 05.11.2020]

Reportazen Francisco JDA

Mythos Lab iha India serbisu hamutuk ho UN Women realiza formasaun konaba digital literacy ba foinsa’e sira hamutuk 50, durante loron 2 ne’ebe fahe sesaun rua.

Liu hosi abertura Communication Officer UN Women, Helio Araujo ba partisipante sira hateten objetivu hosi formasaun konaba digital literacy, atu promove koezaun sosial liu hosi media sosial. Treinamentu ne’e ninia advokasia sei lao durante fulan rua no sei halo agenda ba fleksibilidade ba joven feto no mane ne’ebe iha iha interesante atu promove koezaun social.

“Bainhira estudante ka joven no reprezentante hosi organizasaun balun, ne’ebe tama ona iha treinamentu ida ne’e agora ba oin sai ona hanesan parseiro ba UN Woman nian. Ami koko enkaixa imi iha serbisu professional, oinsa atu asegura atividade saida mak UN Women halao, depois buat ne’ebe imi aprende iha ne’e, ami bele uza imi hodi promove imi nia kapasidade liu hosi halo advokasia ba UN Women nia programa, ne’ebe ita sei servisu hamutuk”, hateten Helio iha salaun Ana Lemos, 04/11

Nia dehan hakarak tebes enkaixa estudante ba iha envoiroment sira hanesan formasaun sira ne’e, hodi bele hasae tan abilidade no kreativade.

Iha Fatin hanesan, Representante Movimenrtu Feto Foinsae Timor Leste (MOFFE), Deonizia Teresa, orgullu hodi tuir treinamentu kona ba Digital Literacy, tanba bele hasae abilidade, tanba dalabarak iha MOFFE halo imajen ka video kona ba labarik Feto, nune’e bele promove video ne’e sai furak liu.

“Hau hanesan Media Officer bainhira programa iha MOFFE ne’ebe halo video badak imajen kona ba feto, labarik, bainhira promove video ne’e sai furak liu, kada vez iha difikuldade tanba la dun iha kapasidade no abilidade oinsá atu halo video ne’e sai furak liu, liu hosi formasaun ne’e bele hasae hau nia kapasidade hanesan media officer”, hateten Deonizia Teresa.

Deonizia Teresa hatutan treinamentu ne’e kapás tebes, tanba bele fahe idea bainhira diskusaun iha grupu kona ba oinsá atu halo editing video no liu hosi nia prosesu, ne’e nudár oportunidade diak atu kontinua aprende diak liu tan.

Iha formasaun refere partisipante sira aprende liu konaba diferensia entre nutisial falsu (fake news), informasaun la los (misinformation) no lia fuan odio (hate speech), oinsa hakerek script no produs filme badak ho mesajen positivu no oinsa uza social media ho seguru.

Formador hosi Myhos Lab mak Priyank Mathur no Faaiza Seyid no co-facilitor mak Zevonia Vieira no Milena Silva. Metodu  formasaun ne’ebe organiza hosi Mythos Lab iha India ho format virtual ka liu hosi zoom. Partisipante hirak ne’e mak hosi estudante UNTL, movimentu foinsa’e no jornalista foinsa’e sira.

Print Friendly, PDF & Email

LEAVE A REPLY

Please enter your comment!
Please enter your name here