Reportajen David da Costa
Konsellu Administrasaun Aeroportu no Navegasaun Aéreu Timor-Leste, Empreza Publiku (ANTAL, E.P), loke bolsu estudu ba Timoroa nain 10 atu ba estudu iha area espesialidade maka hanesan Tekniku Elektrista Aeropoto, Tekniku Konstrusaun Pista Aeroportu, Tekniku Navegasaun Aerea no Bomberos Aeroportu nian iha Indonesia.
Prezidente konsellu Administrasaun Aeroportu i Navegasaun Aerea Timor-Leste, Empreza Publiku (ANTAL, E.P), José Trindade da Cruz Pinto, Hateten ANATL, E.P hanesan empreza Estatal ida iha Timor-Leste, ne’ebé maka toma responsabilidade hodi halo jestaun ba servisu Aeroportuariu i Navegasaun Aerea nian, haree katak iha importansia boot atu garante funsionamentu servisu Aeroportuáriu no Navegasaun Aerea nian no mós funsionamentu operasional Aeroportuariu nian.
Tanba ne’e konsellu Administrasaun ANATL haree ida maka oinsá halo kapasitasaun diak ba ema, hodi nune’e iha kapasidade no koñesimentu kelan iha area espesifiku, atu bele halo atendimentu diak ba publiku sira iha servisu Aeroportuariu i Navegasaun Aerea nian.
Nune’e mós, bele garante funsionamentu diak, ekipamentu sira ne’ebé-ke modernu, ekipamentu ne’ebé-ke diak hodi garante atendimentu ba publiku iha servisu Aeroportuariu nian, ho nune’e bele garante buat ne’ebé maka ema bolu safety Securty. Tanba ne’e haree katak kualidade rekursu umanu ne’e importante, objetivu ida ne’e maka ANATL halo kooperasaun hamutuk ho Fundu Dezenvovimentu kapital Umanu (FDCH) hodi halo rekrutamentu ba bolseiru sira ne’ebé maka sei bele mai kompete, atu hetan oprtunidade hodi ba eskola iha Area ne’ebé espesifiku ne’ebé maka Aeroportuariu i Navegasaun Aerea nian prezisa.
“Ho kooperasaun diak ne’ebé ANATL hetan husi FDCH, tinan ida ne’e hasase numeriu bolseiru bai ha nain 10, maib’e iha tinan kotuk ANATL hetan nain 6, maibé planu no programa ne’ebé diak husi ANATL, ne’ebé haruka ita nia oan sira bolseiru ba eskola ba area ne’ebé espesifiku, no area ne’ebé tuir nesesidade servisu iha Aeroportu nian,” dehan Prezidente konsellu Administasaun ANTAL, E.P, José Trindade da Cruz Pinto, liuhusi konperensia Imprensa iha Sala VIP Aeroportu Internasional Nicolao Lobato, Comoro, Sexta 23/06.
Nia haktuir, tanba ne’e kapasitasun umanu ne’ebé-ke adekuadu ho kualidade diak ne’e presiza tebes. ho ida ne’e, ANATL halo planu para responde duni ba nesesidade aeroportu nian, para garante diak liu tan ba oin.
“Tanba imi hotu hatene aerportu ne’e odamatan ba mundu nian ema mai no husi Timor mos liuhusi Aerportu. Tanba ne’e ami anunsiu ba publiku katak ANATL ohin hahú loke programa bolsu estudu ba Timoroan iha area Tekniku Elektrista Aeropoto, Tekniku Konstrusaun Pista Aeroportu, Tekniku Navegasaun Aerea no Bomberos Aeroportu,” nia dehan.
Tanba ne’e, kona-bna Regulamentu no kriteria ba iha konkursu bolsu estudu nian iha Poltekbang-Surabaya no Politeknik Penerbang Indonesia ne’e, ANATL horsida sei taka iha fatin publiku hotu-hotu, atu nune’e ema bele hatene bolsu estudu ne’e nia kriteria ne’eb’e iha.
Nune’e ba iha bolsu estudu tinan ida ne’e, ANATL hetan fundus ho montante 81 mil ba bolseiru nain 10 no durasaun ba iha programa ne’e tinan 3 ho nivel edukasaun diploma tres (D3).
