Reportajen Joanina Casemiro
Eskola basíku filar nú. 1 e 2 Manelima Laclubar estudante hamutuk ema nain (120), professores permanente hamutuk nain (5), maibe entre professor sira nee balun kaer materia rua, depois mak sira tama aula hanorin ajuda malu, karik professor sira husu lisensa ba fatin ruma sira seluk bele ajuda taka fatin hodi hanorin, maibe karik professores loron ida mak nain rua tolu lisensa dala ida, entaun abandona estudante sira halimar too fila uma. Nunee koordenador eskola Manelima husu ba Ministériu Edukasaun (ME), se bele karik aumenta tan professores balun ba iha eskola refere, tanba dau-daun ne’e professores permanente iha de’it nain (5), voluntariu uluk iha maibe Ministra Edukasaun hasai hotu, nune’e agora voluntariu laiha ona. Fasildade eskola hanesan sala de aula menus, meza no kadeira La too laiha moru protesaun eskola nian.
Koordenador eskola basíku filar nú. 1 e 2 Manelima, Laclubar, Antonio Maria hateten, sira nia eskola menus tebe-tebes iha area rekursu umanus nian, tanba iha eskola nee professor permanent hamutuk ema nain 5 maibe mesak mane hotu de’it, feto la iha no la iha professores volutariu. Estudante mos barak, nune’e husu ba iha Ministériu edukasaun se bele karik professores sira ne’ebe tuir teste liu sira ne’e karik bele desloka balun mai iha ne’e, tanba estudante barak no professores nain 5 ne’e la augenta hodi kontrola estudante sira.
” Ami nia preokupasaun mak menus profesores no menus fasildade eskola nia hanesan meza kadeira, sintina no laiha moru protesaun eskola nia too ohin loron, ami nia kondisoes ne’e hato’o bei-beik ona maibe parte relevante sira nein rona ami nia lian no resposta, tan ne’e ami sente triste tebes.” dehan koordenador da eskola EBF 1e 2 Manelima, ba Jornalista Neon-Metin iha eskola fatin Laclubar 17/04.
Nia informa, Objetivu husi proposta ne’ebé hato’o ba iha Ministériu edukasaun ne’e tanba iha eskola ida ne’e menus duni ba iha rekursu umanu tanba iha professor permanete iha nain (5) deit maibe sira nafatin ho fuan ne’ebé boot hodi kontinua hanorin estudante tanba estudante no foin-sa’e mak sai futuru ba nasaun nian.
Nia informa, Eskola ida ne’e laos foin hari maibe hari desde Indonézia nia tempu too ohin loron, eskola ida ne’e laos eskola privadu maibe eskola publiku maibe governo nunka tau matan ba eskola ida ne’e ate a data eskola nia kondisoesmos balun aat ona. tanba saida mak ko’alia hanesan ne’e tanba menus professores ne’e fo impaktu ba labarik sira nia futuru. Tanba bainhira professor balun moras la tama eskola entaun abandona deit estudante sira ne’e husik halimar oras too fila ba uma deit.
Koordenador da eskola Antonio Maria akresenta tan dala ida, eskola ne’e menus rekursu umanu aat liu mak fasildade eskola hanesan ba meza kadeira aat hotu ona no laiha estudante balun tur iha rai mak tuir aprendizajn, tanba eskola ne’e uza kadeira ho meza tempu Indonézia nian too ohin loron seidauk truka.
” Husu ba ministra edukasaun tenke tau prioridade ba eskola sira ne’ebé hari iha area rurais tanba liga ba iha fasilidade basiku eskola sira hotu hotu iha area rurais sempre hasoru problema bo’ot liu realidade mak hanesan ita bo’ot sira hare rasik ho matan, eskola menus material barak hanesan kadeira, meza no haris fatin aat hotu ona, estudante barak balun mai uluk tur kadeira balun mai ikus tur iha rai mak tuir aprendizajen. Sala de aula neen mibe sala tolu sufiseinte no sala tolu susar tebe-tebes ba estudante kiik-oan sira.” Nia dehan.
Rekomendasaun ba Ministériu Edukasaun tau prioridade ba eskola publiku iha áreia rural sira tanba povu nia oan barak mak eskola iha ne’eba, nune’e rona ami nis lian nee karik tenki hadi’a eskola ida ne’e tanba eskola ne’e publiku laos privadu povu, se hadi’a eskola karik halo mos moru de protesaun ba eskola nia tanba estudante agora ne’e idade kiik-oan hotu.
Iha Fatin hanesan Professor, Carlos Soares, akresenta iha eskola ida ne’e nia problema mak menus Professores a’at liu tan mak la iha professora tanba se karik eskola ne’e realiza atividade ruma hanesan halo animasaun ruma ba eskola nee sempre husu ajuda ba estudante sira nia Inan-aman hodi mai halao atividade ne’e, se karik ita dehan iha igualdade jéneru maibe tanba saida mak iha fatin I’d ne’e lae.
” Ami Professor sira iha eskola ida ne’e hakarak husu ba ministra edukasaun se bele karik bele rekeruta tan Professora feto balu mai iha eskola ida ne’e tanba iha eskola ida ne’e la iha professores feto maibe mane. Dalawain eskola iha areas rural mak problema boot maibe Ministériu Edukasaun nunka tun mai hodi haree direita ba kondisoes sira ne’e. Ami rekomenda ba parte relevante la fiar karik bele tun direita hodi haree ba kondisoes no situasaun.” Nia informa.
