Reportajen Joanina Casemiro
Koordenador Eskola Basíku Filar (EBF), Laclubar, Manelima, Antonio Maria hateten iha eskola ida ne’e sira nia problema boot mak menus fasilidade eskola ne’ebe la sufisiente no laiha fatin biblioteka atu rai livru sira ba.
Jornalista Neon Metin dada lia direita ho koordenador da eskola, informa katak fasilidade eskola nia menus hanesan meza kadeira no biblioteka, tanba biblioteka laiha entaun livru sira ne’e tau tuir de’it sala de aula atu nune’e bainhira manorin sira atu hanorin estudante sira mak foin atu foti lansu iha sala de aula tanba fatin biblioteka la iha hodi tau livru iha nia fatin entaun sira tau tuir deit ba sala de aula. Maibe livru rai deit hanesan ne’e bainhira intervalu estudante kiik-oan ne’e aproveita foti haree imajen sira ne’e entaun dala-ruma les hotu.
” rekomenda ba parte governo liuliu ba iha Ministra edukasaun tenki tau prioridade ba eskola publiku iha areia rural tanba proposta ami hato’o bei-beik ona ba maibe laiha resposta, iha áreia rural mudansa klimátika la mai tuir tempu nune’e bainhira livru la tau iha nia fatin too tempu udan livru aat hotu. Nune’e livru ne’ebe ami simu husi parte relevante no Care Internasionál rai la too tinan aat ona, tanba problema laiha fatin seguru.” Nia dehan.
Nia konklui, se bainhira llivru sira ne’e deit ia meza leten balun rai iha rai leten sei a’at lalais tanba la iha biblioteka hodi tau livru sira tuir nian fatin sira nia proposta sempre hato’o ona ba iha ministera edukasaun maibé to’o ohin loron la iha resultadu se bele karik ministeriu edukasaun sira iha tempu bele mai haree direitamente ami nia problema ne’ebé iha area rurais hasoru liu liu ba eskola basiku filar 1 e 2 Manelima Laclubar nian.
