Home Notisia Negosiu Transporte Mak Sofre Liu, 70% Lakon Reseita Durante EE 1 no...

Negosiu Transporte Mak Sofre Liu, 70% Lakon Reseita Durante EE 1 no 2

178
0
Transporte publiku iha Dili. [Foto: Copyright Sapo.TL | 12.09.2020]

Reportazen Maricio Morato Pinto

Pratikamente negosiu transporte hotu ne’e mane sira mak halao. Liu hosi peskiza hatudu katak durante Estadu Emerjensia (EE) dahuluk no daruak nian, reseita venda maismenus 65% abaixu ka tun duke antes Pandemia COVID-19. Negosiu transporte mak sofreliu, ho 70% lakon reseita ho negosiu mikrolet sira mak afetadu liu.

Relasiona ho peskiza ne’ebe mak Mata Dalan Institute (MDI) ne’ebe hetan suporta hosi Oxfam no Proffesor Brett Inder hosi Monash University no hetan apoiu finanseiru hosi Australian Aid (Ausaid) konaba situasaun serbisu informal iha propagasaun COVID-19.

Liu hosi peskiza ne’ebe lansa iha Timor Plaza hosi MDI no OXFAM, tipu negosiu transporte mos parte hosi seitor informal mak hanesan mikrolet no taksi sira. Amostra ne’e foti hosi negósiu ezistente sira ne’ebé atualmente bele identifika iha tempu peskiza , ikus iha fulan Juñu 2020. Ida-ne’e signifika karik iha ona negósiu sira ne’ebé sofre piór liu, durante pandemia ne’ebé hapara sira atu opera no la loke fila fali, sei la akapta sira iha amostra.

Liu hosi peskiza ne’ebe halo iha municipiu Aileu, Baucau, Covalima, Dili, Ermera, Lautem no RAEOA hatudu pratikamente negosiu transporte hotu ne’e mane sira mak halao. Liu hosi peskiza hatudu katak durante Estadu Emerjensia (EE) dahuluk no daruak nian, reseita venda maismenus 65% abaixu ka tun duke antes Pandemia COVID-19. Negosiu transporte mak sofreliu, ho 70% lakon reseita ho negosiu mikrolet sira mak afetadu liu.

Iha estadu emerjensia datoluk nian, rezultadu peskiza hatudu katak, depois restrisaun estadu emerjensia datoluk, venda hirak ne’e aumenta, maibe iha nível ida ne’ebé prinsipalmente abaíxu hosi sira-nia nível orijinál, venda média ba negósiu hotu-hotu ne’e maizumenus 22% abaíxu hosi nível pré-Estadu Emerjénsia.

Rekuperasaun ne’ebe  tenke tau maka’as liu mak negósiu transporte autokarru, ne’ebé uza prinsipalmente ba viajen entre munisípiu sira. Iha kontraste, ba negósiu mikrolét no táksi, nia rekuperasaun ne’e do’ok abaíxu hosi média, sira-nia venda média mak 34% abaixu liu duke nível pré-pandemia.

Koordenadora ba Asuntu Jénero no Inklusaun iha Oxfam, Salina Hanjam ba jornalista sira hateten objetivu hosi peskiza ne’e atu governu bele rekupera ekonomia ne’ebe inklusivu ba seitor informal no feto iha agrikultura. Ajuda fo informasuan no fo evidensia ba governu, hodi bele halo planu ba rekuperasaun ekonomia durante pandemia COVID-19

“Dadus nebe ami hetan iha setor informal no mos feto iha setor agrikultura, maka rezultadu hatudu katak sira sei hasoru dezfius barak iha tempu restrisaun ba COVID-19 nian” dehan Calina Hanjam iha Sala Suai Room, Timor Plaza,11/09.

Calina salienta katak husi setor informal liuliu maka sira nebe halo negosio kiik la hetan oportunidade atu investe iha merkadu no iha parte seluk maka sira nia rendimento durante pandemia COVID-19 menus teb-tebes.

*(Marcio Morato Pinto nudar estajiadu iha media RENETIL – Neon Metin)

LEAVE A REPLY

Please enter your comment!
Please enter your name here