Home EduTek Sala Leitura Xanana Gusmao Sei Loke Hikas Iha Loron Segunda 20 Julhu

Sala Leitura Xanana Gusmao Sei Loke Hikas Iha Loron Segunda 20 Julhu

403
0
Jestor Sala Leitura Xanana Gusmao iha konferensia imprensa. [Foto: Adroaldo Adroaldo ‘Saretukau’ | 17.07.2020]

Reportazen Adroaldo ‘Saretukau’

Depois de governu estabele estadu emerjénsia durante fulan tolu nia laran, tanba impaktu hosi Virus Corona, halo aktividade hotu paradu.

Maibe iha fulan Julhu ne’e atividade hotu lao normal, depois de Estadu Emerjensia remata. Liu hosi konferensia imprensa, Jestor Sala Leitura, Gaspar Freitas ba jornalista sira inform aba publiku katak, biblioteka ka sala de leitura Xanana Gusmao loke fila fali ona.

Gaspar hateten Sala Leitura Xanana Gusmao se loke hikas iha loron 20 Julhu, ne’ebe hahu hosi oras 09:00 – 17:00 lokrarik, hosi Segunda to’o Sabadu.

“Biblioteka públiku tanba ne’e sira prepara ona kondisaun tuir Ministériu Saúde no Organizasaun Mundial Saude (OMS) nian. Ami hatene katak durante situasaun pandemia Covid-19 afeita tebes ba ami nia operasaun, ne’ebé durante períodu ne’e ami halo ona preparasaun lubuk ida, atu kria kondisaun ne’ebé mak kumpri nafatin rekomendasaunhosi Ministériu Saúde no OMS”, hateten Gaspar iha Sala Leitura Xanana Gusmao, 17/07.

Gaspar hateten Sala Leitura ne’e atu oferese livru ba ema sira, atu nafatin iha oportunidade lee, hanesan matéria siénsia, matemátika ne’ebé mak integra iha ami nia konseitu ida ne’e. Iha tempu besik mos sei iha semináriu, iha fulan ida ne’e, klase mos sei reativa fali tanba ne’e nia informa ba formador, jovens sira atu bele hakbesik aan mai, atu koordena no oráriu no espasu ne’e tuir regras sira ne’ebé mak estabelese ona.

Sala  Leitura Xanana Gusmao prepara referensia jeral, livru koleksaun no audio konaba Timor, konaba siensia, saude, istoria ba labarik sira no mos iha koleksaun audio visual.

LEAVE A REPLY

Please enter your comment!
Please enter your name here