Home Saude Ekipa Saude Sei Halo Swab Test Ba Eskola Kafe Timor Taibesi, Canossa...

Ekipa Saude Sei Halo Swab Test Ba Eskola Kafe Timor Taibesi, Canossa no Mahardika

1272
0
Koordenador Forsa Tarefa ba Prevensaun no Mitigasaun Surtu COVID-19 iha Timor-Leste, Dr. Odete Viegas. [Foto: David da Costa | 09.03.2021]

Reportazen David da Costa Gusmao*

Relasiona ho kazu pozitivu iha BTN II Tasi Tolu, Bebonuk no Ospitala Nasional Guido Valadares (HNGV) ekipa konjunta saude sei kontinua halo teste swab ba iha  eskola Canossa, International School Mahardika,  eskola Kafe Timor iha Taibesi, tanba pasiente nia oan balun eskola iha eskola refere, no labarik nain rua pozitivu iha HNGV ne’e mos eskola iha eskola balun ne’e.

Vise Koordenador Forsa-Tarefa ba Prevensaun no Mitigasaun Surtu COVID-19 iha Timor-Leste, Dr. Odete da Silva Viegas liu husi konferensia imprensa husu ba komunidade sira ne’ebe mak nia oan sira eskola iha Kafe Timor Taibesi, International School Mahardika iha embaixada Australia nia kotuk no Canossa atu lori nia oan mai hodi halo teste Swab.

“Tanba ema sira ne’ebe pozitivu iha BTN II, HNGV, Sekretaria Estadu Formasaun Profisonal Empregu (SEFOPE) no Ministeiru Telekomunikasaun nia ona balun pozitivu,” dehan Odete ba jornalista sira iha CIJK, CCD 09/03.

Nia apela ba  komunidade sira, oan sira ne’ebe mak eskola ho pasiente COVID-19, sira bele hakbesik an ba iha fasilidade saude ne’ebe  besik ka kontaktu numeru 119, no bele mai hakbesik an iha Centru Convensional Dili (CCD) Iha merkadu ama atu foti Swab ba ema sira ne’ebe kontaktu besik.

“Hau mos husu ba entidades hotu no komunidade sira atu bele kumpri medida prevensaun COVID-19”, nia subliña.

Nia konklui katak husu ba populasaun iha Dili laran tomak atu nafatin kalma, lalika pániku, hela deit iha uma wainhira laiha nesesidade atu halo movimentu bá-mai, pratíka nafatin medida sira neebé iha, uza másara, fase liman bebeik ho sabaun ka desinfeta ruma, wainhira kumprimenta malu, la presiza kaer-liman, bensa-liman, rei-malu ka hakuak malu, evita halibur malu barak, Hamriik ka tu’ur dook husi ema seluk, mínimu metru ida ho balun.

*(David da Costa Gusmao nudar estudante ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here