Home Notisia Sasin Da-ruak Topu Honis Hetan Violasaun Sexual Ho Idade Sei Kiik

Sasin Da-ruak Topu Honis Hetan Violasaun Sexual Ho Idade Sei Kiik

2531
0
Sasin Daruak Koalia Sai Violensia Sexual (Foto: Video NM)

Hafoin publika tiha video Lian Sasin Hosi Topu Honis (https://www.youtube.com/watch?v=Al1gtnehwd0) Neon Metin kontinua hetan kontaktu hosi sasin seluk no husu atu koalia sai sira nia istoria. Sasin ne’ebe husu koalia ho Neon Metin nia idade kiik, nia haktuir nia istoria violasaun sexual ne’ebe RD halo ba nia ba Neon Metin semana tolu liuba (14/02).

Sasin hatete katak nia tama Topu Honis ho tinan 6. Nia ba hela iha neba tanba nia aman abandona nia inan hodi halo sira nia moris kiak liutan. Tan ne’e nia inan lori nia ba hela iha Topu Honis. Violasaun sexual hahu akontese ba nia ho nia kolega bainhira hahu hela ona iha Topu Honis. RD hili labarik sira ba toba ho RD iha nia kuartu no hafoin ida ne’e RD hatudu nia aktu abuzu sexual ba sasin ho nia kolega. Informasaun kompletu bele haree iha video Lian Sasin Hosi Topu Honis II iha link https://www.youtube.com/watch?v=TWimivOeqlo.

Durante prosesu produsaun video ne’e Neon Metin halo esforsu kontaktu ba Diretora Topu Honis Shelter Home, Sra. Liliana Tarung, maibe Diretora ne’e nunka atende telefone.

Neon Metin halo mos entrevista ho Koordenador Parseria hosi Caritas Australia nian iha Oecusse, Marcos Atolan, hodi husu tuir koinesementu ninian ba kazu ne’e tan Caritas Australia rejista nudar doador ida ida ba Topu Honis. 

“Bainhira ba vizita iha Topu Honis ami nota katak la iha Frater ka Madre ruma hela iha fatin hakiak labarik nian. RD ho tia sira no mos labarik sira deit”, Koordenador Parseria, Marcos Atolan haktuir ba Neon Metin liu hosi telefone, Sabdu (6/03).

“Hau hatene deit mak Caritas fo duni apoio motor Win ida ba RD iha tempu krizi”, Marcos hatutan.

Marcos mos hatete katak Caritas Australia iha Oecusse servisu duni ho Topu Honis maibe ho Topu Honis ida grupo komunidade ne’e. Grupo ne’e nia fundador mak RD mos.

Kazu Topu Honis mak nudar kazu pedofilia ne’ebe mosu ba publik dahuluk iha Timor-Leste. Kazu ne’e involve eis-Padre Richard Dascbach hodi kongregasaun SDV nian. Ho rezultadu investigasaun Kongregasaun Dutrina ba Fe nian iha Vatikanu, Amo Papa Francisco hasai tiha ona Richard Dascbach nudar padre iha tinan 2018. Eis-Padre ne’e agora dadaun tuir hela prosesu justisa ho kondenasaun kazu pedofilia, pornografia no violensia domestika.

Print Friendly, PDF & Email

LEAVE A REPLY

Please enter your comment!
Please enter your name here