Home Notisia FONGTIL Prefere Sidadaun Sira Hosi Liur Halo Kuarentena Obrigatoriu Duke Auto-Kuarentena

FONGTIL Prefere Sidadaun Sira Hosi Liur Halo Kuarentena Obrigatoriu Duke Auto-Kuarentena

200
0
FONGTIL halo konferensia imprensa. [Foto: Adalgisa Pereira | 23.09.2020]

Reportazaen Adalgisa Pereira

“Modelu auto kuarentena ida ne’e ami observa  katak la efetivu, tanba normalmente iha seremonia fúnebre sira Timor-Leste halibur ema barak no iha ne’eba ,eziste motivasaun a’as liu, atu sidadaun hirak ne’e viola regras kuarentena nian, tamba nesesidade kulturais ezije partisipasaun familia nia iha seremonia fúnebre”. FONGTIL

Forum Organizasaun Naun Governmental (FONGTIL) halo konferensia imprensa konaba dezafiu ba aplikasaun auto-kuarentena ba timoroan no estranjeiru sira ne’ebe tama mai Timor.

Diretor Exekutivu FONGTIL, Daniel Santos do Carmo hateten sidadaun timoroan no estranjeiru hamutuk nain 196 inklui mate isin nain 2, ne’ebe tama iha Timor-Leste liu husi Aero portu internasional, Prezidente Nicolão Lobato ho avião Euro Atlantic, balun tama kuarentane obrigatoriu no balun halo auto kuarentena maibe laiha vijilansia, fasil atu viola restrisaun kuarentena.

Nia informa hosi total pasajeirus nee, nain 86 deit mak tama iha fatin kuarentena ne’ebe governu prepara  iha Dili no Liquiça, enkuantu sira seluk halo deit auto-kuarentena. Ami observa katak iha sidadaun balun ne’ebe mai tamba akompaña mate isin, halo mos auto kuarentena iha Baucau.

“Modelu auto kuarentena ida ne’e ami observa  katak la efetivu, tanba normalmente iha seremonia fúnebre sira Timor-Leste halibur ema barak no iha ne’eba ,eziste motivasaun a’as liu, atu sidadaun hirak ne’e viola regras kuarentena nian, tamba nesesidade kulturais ezije partisipasaun familia nia iha seremonia fúnebre”, hateten Diretor Exekutivu FONGTIL Daniel Santos do Carmo iha salaun FONGTIL Kaikoli ,23/09.

FONGTIL husu ba Ministeriu Saude (MS) atu lori fila sidadaun hirak ne’ebe mak mai iha loron 21 de Setembru 2020,  ba fatin kuarentena apropriadu ne’ebe governu prepara ona, atu ekipa vijilansia fasil atu kontrola.

Diretor nee haforsa liu tan katak durante aplikasaun kuarentena obrigatoriu, mosu tratamentu diskriminasaun ba sidadaun no ema estranjeiru ne’ebe fila husi nasaun afeitadu.

“Durante aplikasaun kuarentena obrigatoriu, mosu mos indisius oi-oin katak sidadun sira ne’ebe foin mak fila husi nasaun afetadu, hetan tratamentu diskriminasaun liu-liu wanhira ekipa vijilansia halo verifikasaun ba fatin auto-kuarentena nian ,ema ne’ebe mak iha poder no osan bele halo auto-kuarentena deit iha uma. Ema estranjeiru sira mos halo auto-kuarentena iha uma, liu husi dalan suborn.  Ida ne’e  kontrariu ho despaisu sira ne’ebe Ministeriu Saude hatún, hodi bandu atu sidadun estranjeiru tenke halo kuarentena deit iha fatin ne’ebe governu prepara ona”, dehan Diretor Exekutivu FONGTIL.

LEAVE A REPLY

Please enter your comment!
Please enter your name here