Home Notisia Movimentu Agrikultura: Governu Sedauk Iha Seriedade Dezenvolve Seitor Agrikultura

Movimentu Agrikultura: Governu Sedauk Iha Seriedade Dezenvolve Seitor Agrikultura

445
0
Movimentu hosi Municipio 9 halo konferensia imprensa. [Foto: Francisco JDA | 15.10.2020]

Reportazen Francisco JDA

Produsaun agrikultura iha mundu bele monu menus hosi 5%, situasaun ida nee afeta mos ba Timor-Leste, durante pandemia Covid-19 no aplikasaun estadu emergensia afeta tebes ba stock ai-han iha rai laran, tuir dadus WFP.

Movimentu Agrikultura Municipiu 8 kompostu hosi Aileu, Baucau, Ainaru, Bobonaro, Covalima, Ermera, Liquisa, Manufahi no inklui Rejiaun Administrativu Espesial Oekusse-Ambeno (RAEOA), liu hosi konferensia hatoo deklarasaun relasiona ho alokasaun orsamentu ne’ebe sedauk iha seriedade hodi dezenvolve seitor agrikultura.

Tuir Movimentu Agrikultura deklara katak tuir sensus agrkultura iha 89.8% familia mak moris depende ba agrikultura, hodi sustenta moris lor-loron nian, realidade hatudu dekade ikus nee governu aloka orsamentu ba seitor agrikultura kada tinan mak menus hosi 3%. Iha polítika governu dehan halo investimentu maibé iha alokasaun orsamentu seidauk iha seriedade hodi dezenvolve seitor agrikultura.

Porta Voz Grupu Movimentu Agrikultura Municipiu 9,  Carlos Sarmentu ba jornalista sira hateten mesmu governu tau ona atensaun, maibé seidauk kompleta ho saida mak akontese iha baze, hanesan infraestrutura báziku, liuliu irigasaun sira hanesan bee ba toos no natar sira, balun tama ona no balun seidauk tama.

Nia dehan tuir projesaun  Organizasaun Ai-han mundiál (World Food Program), produsaun agrikultura iha mundu bele monu menus hosi 5%, situasaun ida nee afeta mos ba Timor-Leste, durante pandemia Covid-19 no aplikasaun estadu emergensia afeta tebes ba stock ai-han iha rai laran, tanba ita rasik menus halo produsaun agrikultura no konsege halo pániku ba sidadaun hotu.

Nia dehan tan tuir planu rekuperasaun ekonomia, hatur seitor agrikultura nudár seitor importante liliu refere ba produsaun foos, hadia irigasaun liu hosi fo apoiu maximu tinan 3, “ida nee planu ne’ebe adekuadu hodi hasai produsaun  rai laran no estadu resilente hasoru kualkér krize mundiál ruma ne’ebe karik akontese”.

Iha fatin hanesan Presidente Uniaun Agrikultura Covalima, Joao Gusmao iha intervensaun hateten katak preokupasaun ne’ebe mak municipiu Covalima infrenta mak koalia kona ba irigasaun, iha tempu Indonesia funsiona diak mak parte Beco, Mota Mola no dadaun nee la funsiona, maibé udan tun karik komunidade sira tau osan hamutuk hodi bele selu ekipamentu hodi fornese be iha komunidade rasik.

“Ami ladún santisfaz kuandu natar iha Zumalai, Builaku ho Salele entau ida nee sei abandona mak barak liu, kestaun mak depende ba udan been ne’ebe mak tun kuandu bai loron naruk kuaze la iha total. Produsaun iha Municipiu Covalima laos la iha area potensiál, maibé susar deit mak bee. Iha Builaku natar 450 hectares ne’ebe dependente ba udan been, kuandu bailoron sira labele halo”, hatete Presidente UNARLO Municipiu Covalima Joao Gusmao, iha salaun HAK Farol, 14/10.

Grupu Movimentu Agrikultura Municipi 9 husu governu atu aloka orsamentu, hodi hadia irigasaun sira ne’ebe durante ne’e abandona hanesan irigasaun iha aldeia Maukola Suku Beco, Mota Mola no aldeia Beilako.

LEAVE A REPLY

Please enter your comment!
Please enter your name here