Home Meio Ambiente Komunidade Ilimanu La Aseita ANPM Halo Investimentu Tanba Prejudika Atividade Kultura

Komunidade Ilimanu La Aseita ANPM Halo Investimentu Tanba Prejudika Atividade Kultura

953
0
Portavoz Komunidade Ilimanu, Bartolomeu Cunha.. [[Foto: Francisco JDA | 16.10.2020]

Reportazen Francisco JDA

“Ami husu ba parte governu nian atu atu konserva ami nia kultura adat, ne’ebé mak kaer metin ami komesa hosi tempu okupasaun to’o ohin loron , entaun governu nia planu ne’e la’ós ami kansela, bele loke maibé iha marmer ou iha Laklo nia leten”. Bartolomeu Cunha

Komunidade Ilimanu, Suku Uma Kaduak Municipiu Mananatutu Preokupa ho planemanetu ba  investimentu marmer ne’ebé halo Autoridade Nasionál Petroleo Minerais (ANPM), tanba bele prejudika atividade kultura no fatin istoriku ne’ebe beala sira husik hela.

Ba Neon Metin Portavoz Komunidade Ilimanu, Bartolomeu Cunha hateten maioria komunidade moris nudar agirkultura no peskas, ho nune la aseita atu loke investimentu tanba sei estraga ambiente no atividade kultura ne’ebe sai fatin mahon ba komunidade sira.

“Komunidade iha Ilimanu maioria moris ho agrikultura no peskas, tanba ne’e husu governu atu konsidera katak bele loke investimentu maibé la’ós iha bairo museum maibé iha fatin seluk hanesan Lakl  no marmer ne’e bele”, hateten Portavoz Ilimau, iha knua Neon Metin, Farol 15/10.

Nia hateten ANPM atu halo investimentu komunidade sei kontente maibe bazeia ba fatin refere hanesan fatin istoriku, sei bele prejudika tebes atividade kultura nian.

“Ami husu ba parte governu nian atu atu konserva ami nia kultura adat, ne’ebé mak kaer metin ami komesa hosi tempu okupasaun to’o ohin loron , entaun governu nia planu ne’e la’ós ami kansela, bele loke maibé iha marmer ou iha Laklo nia leten, maibé iha parte Museum ami lakohi atu halo esplorasaun tanba ami nia intensaun la’ós dehan lakohi, maibe se ida ne’e akontese ami nia fatin istoriku suru lakon hotu no be’e mós maran”, hateten Porta Voz Komunidade Ilimanu.

Nia dehan fatin Museum ne’ebé ANPM atu loke investimentu ne’e , nudar fatin kultura nian atu hasae udan been no hatun udan been, tanba ne’e husu governu atu kria lei hodi asegura fatin kultura no lisan no direitu ba tradisionál.

Nia informa maske ANPM halo ona lisensa atu halo investimentu iha aldeia Ilimanu maibé la iha solusaun refere no ANPM koko atu uja forsa halo investimentu nune’e husu atu halo mediasaun ba problema refere.

Relasiona ho preokupasaun hosi komunidade Ilimanu, Neon Metin halo konfirmasaun ho Koordenador Nasionál Rede ba Rai (RBR), Hortencio Pedro Vieira liu hosi WhatApp hateten katak, Rede ba Rai sei halo akompanhamemtu ba komunidade tradisional Ilimanu iha area Museum, ne’ebé kompania balun iha planu hakarak halo esplorasaun no ke’e foho sira hodi hasai fatuk marmer ba sira nia interese.

“Komunidade koalia ona ho Rede Ba Rai no husu atu fó tulun ba prespektiva juridika nian, liga ho sira nia direitu tradisional, Rede ba Rai mós preokupa tanba area refere sei hetan ameasa no sei hakotu komunidade nia relasaun  ba dimensaun kulturál ne’ebé hosi tempu beiala sira uja fatin ne’e, hodi halo serimonia kulturál ba sira nia moris”, hatete Koordenador Nasionál Redi Ba Rai Hortesio Pedro Vieira

Nia reforsa liu tan katak séi iha diskusaun ho komunidade iha tempu badak, maibé se komunidade rejeita ba sira nia rai lisan, hodi halo esplorasaun,  RBR sei defende komunidade nia direitu tradisional, liu hosi meius juridiku ne’ebé vigora iha RDTL, tanba komunidade tradisionál nudar parte hosi Povu no elementu estadu nian, ne’ebé presiza respeita sira nia ezistensia liga ho esplorasaun rekursu naturais.

Uma Kain iha Ilimanu hamutuk nain 90 ne’ebe hela iha fatin refere, ne’ebe depende udan been, to’o ohin loron sedauk asesu ba bee moos no moris nudar agrikultura no peskador sei infreta makaas ba sira nia moris, tanba tempu naruk nia laran to’o ohin loron sira moris depende ba natureza.

Bainhira nutisia ne’e hasae, Neon Metin sedauk halo konfirmasaun ho parte Autoridade Nasionál Petroleo Minerais (ANPM).

LEAVE A REPLY

Please enter your comment!
Please enter your name here