Home Notisia Meza Redonda Konaba Implementasaun Lei Medidas Prevensaun no Kombate Korupsaun

Meza Redonda Konaba Implementasaun Lei Medidas Prevensaun no Kombate Korupsaun

158
0
meja deronda konaba Implementasaun Lei Anti Korupsaun. [Foto: Santina Lucia da Costa | 14.10.2020]

Reportazen Santina Lucia da Costa

International Republican Institute (IRI) ho Forum Organizasaun Naun-Governamental Timor-Leste (FONGTIL) organiza diskusaun meza redonda entre membru Parlamentu Nasional ho Oganizasaun Sosiedade Sivil sira, inklui Asosiasaun Jornalista Timor Lorosa’e (AJTL), hodi halo diskusaun konaba implementasaun Lei Medidas Preventiva no Kombate Korupsaun iha Timor-Leste.

Program Manager IRI, Karlito Nunes iha abertura hateten iha demokrasia modernu organizasaun sosiedade sivil mos hanesan hatutan kiak povu nian, liuhusi advokasia issue ka problema sosiedade hodi promove  prosesu transparansia, kontabilidade iha sosiedade demokratiku.

Karlito Nunes dehan diskusaun meza redonda ne’e foku liu kona-ba politika prevensaun, medida prevensaun kombate korupasaun no ninia serbisu sira.

“Ita haree didi’ak ninia estrutura kona-ba sosiedade la intende prosesu lei no konteudu lei ne’e difisil tebes iha sosiedade nia leet. Tanba ne’e diskusaun meza redonda ne’e, ita bele identifika, bele hatan ba preokupasaun balun ne’ebe karik sei mosu iha prosesu implementasaun lei refere. Liu husi diskusaun meza redonda ida ne’e sosidedade sivil sei hato’o nia preokupasaun, para hatan husi oradores sira iha relasaun no implementasaun lei Nu.7/2020, kona-ba medidas prevensaun no kombate korupasaun”, haktuir Karlito Nunes, iha salaun enkontru Cruz Vermelha, Bairo Farmoza, 14/10.

Nia mos dehan katak kooperasaun no kolaborasaun IRI ho organizasaun naun Governamental, organiza meza, hetan apoiu husi USAID no programa meza redonda ne’e hala’o dalabarak ona iha tempu pasadu ho kondisaun permanente ho komisaun espesializada husi Parlamentu Nasional ho topiku oioin, no mos ho setor dezenvolvimentu oioin hanesan setor saude, inundasaun no agrikultura

Iha fatin hanesan, Diretor Ezekutivu FONGTIL, Daniel dos Santos hateten NGO Forum hanesan defaktu reprezenta povu, maibe de juri ami la reprezenta povu, tanba laos povu mak hili ami, entaun ami hanoin katak, se wainhira lakohi esperiensia ne’e repete, se ita nia lei di’ak maibe la aplika hanesan deit.

Diretor Ezekutivu FONGTIL dehan NGO Forum hamutuk ho IRI konvoka meza rendonda ne’e ho intensaun prinsipal ida mak atu sensibiliza publiku, oinsa mak ita hotu bele esforsu lei medida prevensaun kombate korupsaun.

“Antes ne’e lei promulga husi Prezidente Republika ami halo de’it rua, liga ho ita nia identidade sira,  ema sira ne’ebe hola pozisaun iha governu, parlamentu, iha instituisaun setor privadu, sosiedade sivil sira hotu tenki halo deklarasaun ba bens sira ne’ebe mak iha, mais ami haree parte instituisaun F-FDTL, PNTL bele halo deklarasaun ba sira nia bens ka lae”, afirma Daniel dos Santos.

Daniel dos Santos hatutan diskusaun ida ne’e la para iha ne’e, sei kontinua oinsa mak sensibiliza publiku atu hatene komprende didi’ak kona-ba lei ne’e, nune’e sira bele kontribui partisipa involve iha nia implementasaun. Diskusaun meza redonda ne’e apoiu husi Povu Amerikanu, liu hosi USAID no hetan partisipasaun hosi  JSMP, PDHJ, AJTL, HAK, LABEH, UNTL, JSMP, AJAR no seluktan.

Orador ba diskusaun ne’e ma Diretor Ezekutivu AJAR, Prezidente Komisaun A, Juaquim dos Santos no Komisariu Commissão Anti Corrupçao (CAC) Dr. Sergio Hornai.

LEAVE A REPLY

Please enter your comment!
Please enter your name here