Reportajen David da Costa Gusmao
Primeiru Ministru (PM) Taur Matan Ruak hato’o nia profundu sentidas kondolénsias ba família matebian Eis Primeiru-Ministru, Shinzo Abe, no nia solidariedade ba povu no governu Japaun ba insidente orrivel ida ne’e.
Eis-Primeiru Ministru Japaun, Shinzo Abe, hakotu iis hafoin hetan tiru iha sidade Nara, Japaun Oeste, iha Sesta 8/07 bainhira hala’o hela kampaña.
Ho ida ne’e Primeiru-Ministru (PM) Taur Matan Ruak sente triste no sokadu ho notísia aat kona-ba falesimentu Eis Primeiru-Ministru Japaun Shinzo Abe nian, ne’ebé hetan tiru ohin iha Sidade Nara, Japaun wainhira nia hala’o hela kampaña.
“Hau hato’o nia profundas sentidas kondelensias ba família matebian Eis Primeiru-Ministru Shinzo Abe, no nia solidariedade ba povu no Governu Japaun ba insidente orrivel ida ne’e,” Dehan PM Taur Matan Ruak, Iha Komunikadu Imprensa ne’ebe Neon Metin Asesu Iha Media xefe Governu nian, iha Sesta 8/07.
Xefe governu ne’e haktuir, momentu sei Xefe Estadu hala’o vizita Estadu ba Japaun iha loron 15 Marsu 2016, hodi hasoru malu mós ho Primeiru-Minstru Japonés Sr. Shinzo Abe.
Maibe Ohin loron triste ba Asia Pasífiku tanba Eis Primeiru-Ministru Japaun Shinzo Abe hetan tiru ohin iha Sidade Nara, Japaun wainhira nia hala’o hela kampaña.
