Home EduTek Haluan Konnesimentu, Sala Leitura Xanana Gusmao Kria Biblioteka Movel Tuk Tuk

Haluan Konnesimentu, Sala Leitura Xanana Gusmao Kria Biblioteka Movel Tuk Tuk

349
0
Biblioteka Movel Tuk Tuk Xanana Gusmao. [Foto: Adroaldo ‘Saretukau’ | 17.07.2020]

Reportazen Adroaldo ‘Saretukau’

Ho leitura mak haluan ita nia koñesimentu. Liafuan ida ne’e mak mak halo Sala Leitura Xanana Gusmão ho ideia inovativu, loke biblioteka móvel TUK TUK atu haburas kultura lee

Jestor Sala Leitura Xanana Gusmao, Gaspar Freitas hateten biblioteka móvel naran TUK TUK ne’e, ideia inovativu foun, ne’ebé mak ami hamosu atu fo hanoin katak, atu kria biblioteka móvel, la’os tenke ho kondisaun ne’ebé mak boot, kareta ne’ebé mak di’ak, maibé ho kareta roda tolu mos ita halo.

Nia hatutan ideia ida ne’e mosu hosi negosiante fa’an nuu iha tasi ibun, oinsá motor roda tolu bele sai ba biblioteka móvel. Hanesan sira fa’an nuu ne’e mak fo inspirasaun ba ami katak, bele ita transforma modelu sira hanesan ne’e sai boblioteka móvel.

Gaspar mos hateten biblioteka móvel ne’e nafatin fo oportunidade lee, la’os iha biblioteka de’it. Atu oferese livru ba ema sira atu nafatin iha oportunidade lee, la’os de’it iha biblioteka, inklui biblioteka móvel ne’e mos atu halo klase móvel, hanesan matéria siénsia, matemátika ne’ebé mak integra iha ami nia konseitu ida ne’e.

Biblioteka móvel ne’e halo operasaun dala-rua, kada semana iha loron Kuarta no Sábadu, iha oras tuku 15:00 to’o tuku 17:00, ne’ebé sei halo rotasaun iha fatin rekreiu sira hanesan Largo Lecidere, Jardim Motaela, Jardin 5 de Maiu, Jardin BJ Habibie no fatin turístiku Cristu Rei, ho livru sira ne’ebé prepara hosi ekipa biblioteka Sala Leitura Xanana Gusmão.

LEAVE A REPLY

Please enter your comment!
Please enter your name here