Home Notisia MS Finaliza Ona Pagamentu Ba Oteis no Catering Sira no Kompras Hosi...

MS Finaliza Ona Pagamentu Ba Oteis no Catering Sira no Kompras Hosi UNDP Kontinua Lao

317
0
Ministra Saude, Dra.Odete Belo. [Foto: Francisco JDA | 11.08.2020]

Reportazen Francisco JDA

Pagamentu ba tein nain sira (catering) no otel sira ne’ebe mak iha durante Estadu Emerjensia ba fulan 3 nian, hodi halo fatin kuarentena no fo han ba maluk sira iha kuarentena Ministeriu Saude (MS) finaliza ona prosesu pagamentu.

Iha uma fukun Parlamentu Nasional Ministra Saude, Dra. Odete Belo informa katak oteis no catering sira ne’ebé governu, liu hosi Ministeriu Saúde aluga kuaze pagamentu halo hotu ona, tanba ne’e mak foin lalais simu tan sidadaun estranjeiro ho númeru makas hamutuk 400 pessoal resin, ne’ebé tama iha semana kotuk signifika katak kuarentena labele akomoda ema hotu no kontinua aluga oteis sira ne’ebé iha.

Ministra Saude, Dra. Odete Belo deklara katak laiha ona problema ho otel sira tanba pagamentu lao hotu ona no prosesu kompras ne’ebe halao hosi UNDP, hodi hola sasan governu nian sei mai tan iha ikus fulan Agustu

“$5.8 miloens mak ita aloka ba UNDP tuir akordo ne’ebe asina entre UNDP no Ministeriu Negósiu Estranjeiro Ministeriu,  Ministeru Saude hein atu simu sasán sira ne’ebé seidauk sosa, Maibe  sasán ne’ebé ita simu ona, aimoruk ba  Guido Valadares  ita simu tiha ona no ekipamemtu Covid nia hanesan masker, oklu no roupa ne’ebé hatais, inklui ventilator 5 ne’ebé simu hosi UNDP”, hateten Ministra Saúde Odete Belo Iha Parlamentu Nasionál, 11/08

Ministra Saúde Odete Belo reforsatan katak UNDP sei haruka tan ekipamemtu mai iha fulan Agostu  ikus ne’e no osan fundu Covid ne’ebé aloka ba Ministeriu Saúde mak Hamutuk $49 Miloens.

Print Friendly, PDF & Email

LEAVE A REPLY

Please enter your comment!
Please enter your name here