Home Notisia Angela Deklara PR Viola Konstituisaun, Xefe Casa Sivil: Buat Hotu Desidi Iha...

Angela Deklara PR Viola Konstituisaun, Xefe Casa Sivil: Buat Hotu Desidi Iha Tribunal, Laos Hakilar Deit

2168
0
Xefe Casa Sivil Prezidensia da Republika, Francisco de Vanconselhos. [Foto: Zevonia Vieira | 17.07.2020]

Reportazen Zevonia Vieira

Relasiona ho Rezistensia Nasional Defende Justisa no Konstituisaun RDTL (RNDJK) ne’ebe deklara hosi porta-voz Angela Freitas hateten katak Prezidente da Republika, Dr. Francisco Guterres Lu Olo durante nia ukun viola ona Konstituisaun no defende liu tuir interese partidu FRETILIN nian.

Neon Metin  halo entrevista ho Xefe Casa Sivil Prezidensia da Republika, Francisco Maria de Vasconcelos iha seremonia aniversariu Centro Nasional Chega! (CNC) hateten sidadaun hotu iha liberdade atu espresa sira nia opiniaun, se sira dehan Prezidente da Republika kontra Konstituisaun, nia dalan mak hatoo ba Tribunal

“Dehan kontra Konstituisaun, hau hanoin Tribunal halo ona nia serbisu, maibe sira halo nee parte hosi liberdade espresaun, ami respeita no sira hotu iha direitu para halo. Agora petisaun ne’e bainhira mak to’o iha Prezidente, buat hotu desidi tiha ona iha Tribunal, ne’ebe tuir dalan Konstituisaun, sira hakarak hotu-hotu tuir Konstituisaun, seraque buat ne’ebe sira halo ne’e mos tuir Konstituisaun ka lae”, hateten Xefe Casa Sivil iha CNC, 17/07.

Tuir movimentu Rezistensia mos katak Prezidente da Republika defende liu partidu FRETILIN? Ba Neon Metin Xefe Casa Sivil hatan katak Prezidente foti desizaun tuir kompetensia Prezidente nian. Prezidente la desidi tuir interese partidu Fretilin nian, iha desizaun barak ne’ebe Prezidente desidi.

“Uluk VII Governu Konstituisional mos Prezidente la desidi tuir partidu Fretilin nian. Se agora ema deskonfia deit, ita bele komprende tanba ita hotu moris iha deskonfia nia laran barak liu fali, duke ita uza ita nian rasional”, hateten Francisco de Vasconcelos

Xefe Casa Sivil hateten problema mak ema idak-idak ba deklara katak Prezidente da Republika la halo tuir Konstituisaun, se Prezidente la halo tuir Konstituisaun dalan iha atu konteste, “laos ita hamrik iha dalan no hakilar deit. Importante mak se ita hotu hakarak tuir Konstituisaun, se ita hakarak defende Konstituisaun maibe ita rasik la tuir dalan Konstituisaun, entaun se los mak defende.

“Ema hotu bele hatoo nia opiniaun, mais konvida ema atu kontra orgaun soberanu ida, atu paraliza sira hanoin lai, dalan Konstituisaun mak hanesan ne’ebe. Se sira hatoo petisaun, Prezidente simu deit”, esplika Casa Sivil

LEAVE A REPLY

Please enter your comment!
Please enter your name here