Home Notisia PM: Projetu Hotu Tenke Hatama Ba GPS, Ho Nune’e Serbisu Hotu Transparante

PM: Projetu Hotu Tenke Hatama Ba GPS, Ho Nune’e Serbisu Hotu Transparante

1112
0
Primeiru Ministru Taur Matan Ruak. [Foto: Copyright Media PM | 02.10.2020]

Reportazen Francisco JDA

Orsamentu Jeral Estadu (OJE) 2020  ho montante tokon 1.497 dollar Amerikanu passa onaiha jeneralidade, liu hosi debate OJE 2020

Iha sesaun diskusaun Primeiru Ministru, Taur Matan Ruak iha intervensaun husu Vise Primeiru Ministru José Reis atu hatama projeitu hotu iha Timor laran,  ba  sistema Global Positioning System (GPS), mapamentu elektronika, nune’e sistema ne’e fasil atu hatudu kona ba projeitu hira no oinsá ho nia gastus bele hatene, nune’e serbisu hotu trasparante no presiza serbisu hamutuk hodi kontribui

“Foin dadaun governu husu Komisaun Inkeritu Parlamentár, mais la iha konsensia husik hela tiha, ha’u hatete ba ha’u nia governu no diretor sira, ha’u lakohi imi ba kadeia no ha’u lakohi ita hakoi Timor, tanba ne’e halo neineik no halo di’ak ho los. Governu hakarak kontribui atu solusiona problema sira ne’e, ne’ebé la’ós oituan maibé barak tanba ita lakon kontrola no ha’u hakarak husu apoio Parlamentu nian”, hatete Primeiru Ministru Taur Matan Ruak Iha Parlamentu Nasionál, 02/10

Maske Nune’e Primeiru Ministru husu deputadu sira atu tuir prinsipiu katak tempu susar hamutuk no tempu di’ak hamutuk, labele iha tempu di’ak ita basa liman, maibé kuandu susar husik hela ba ida nia leten

“Ha’u hakarak ita hamutuk tanba problema governu nian ne’e la’ós oituan maibé barak.  Ita dalaruma kaer kiik oan maibé boot liu ne’e ita la ko’alia, ida ne’e mak dalaruma ha’u tauk, ita dalan rua de’it  ha’u tuir ita-Bboot sira, ita boot sira tuir ha’u ou ita la’o ketak-ketak”, hatete Primeiru Ministru Taur Matan Ruak, iha sala plenaria, 02/10.

Print Friendly, PDF & Email

LEAVE A REPLY

Please enter your comment!
Please enter your name here