Home Notisia Peregrinasaun Nain Feto Ramelau, Komisaun Husu Visitantes Respeita Fatin Sagradu

Peregrinasaun Nain Feto Ramelau, Komisaun Husu Visitantes Respeita Fatin Sagradu

578
0
MTCI ho ekipa halo konferensia imprensa. [Foto: Santina Lucia da Costa | 02.10.2020]

Reportazen Santina Lucia da Costa

“Komisaun organiza ona tara-bandu ida ne’e ho ita nia kultura, ami hasa’e ona ita nia sasan uma lulik sira husi uma lisan, tau hotu iha ne’eba para loron 3 Outubru lokraik, Amo Bispo sae ba leten ita sei tau buat lulik”. Prezidente Komisaun

Ministeriu Turizmu Comersiu Industri (MTCI) hamutuk ho Diocese Dili, autoridade lokal husi Hatuberliku, parseiru dezenvolvimentu sira no komisaun organizadora ba peregrinasaun nasional nain Feto Ramelau nian, halo konferensia imprensa kona-ba Peregrinasaun Nasional Nain Feto Ramelau ne’ebe sei halo iha loron 6-7 Outubru tinan ida ne’e.

Liu husi konferensia imprensa Diretor Geral Turizmu, Jose Quintas informa iha loron 6-7 Outubru 2020 sei iha peregrinasaun nasional Nain Feto Ramelau nian bazeia ba informasaun Amo Bispo Diocese Dili rasik mos sei marka prezensa.

Jose Quintas haktuir distansia sira ne’ebe maka sei halo vizita ba iha sitiu Nain Feto Ramelau, iha loron, 6-7 husu iha kolaborasaun, obedese nafatin regras ka normas ne’ebe maka jestaun sitiu Nain Feto Ramelau implementa hela, liuliu hadook-an husi bandalizmu, soe lixu arbiru no mos komportamentu aat sira ne’e hadook, labele sunu rai, no labele tesi ai arbiru.

“Problema ne’ebe mak ita hasoru iha tinan 2018, problema ne’e, ita komesa tenta para atu minimiza, tanba ne’e mak agora dadaun ita nia jestor sira serbisu namanas hela, serbisu hamutuk ho Ministeriu relevante sira, autoridade lokal, diocese Dili no mos parseiru sira, para ita kontinua halo melhoramentu ba iha sitiu nain feto ramelau”, hateten Diretor Geral Turizmu ba jornalista lista sira iha Centro Informasaun Turizmu (CIT) loron 02/09.

Iha fatin hanesan reprezentante Asuntu Turizmu Religiosu, Arche Diocese Dili, Pe. Ângelo Salsinha, hateten tinan ida ne’e hetan grasa espesial husi Vaticanu, selebra tinan 80 ezistensia Diocese Dili nian, tanba ne’e hetan bensaun husi Arche Diocese Dili husu bensaun espesial husi Amo Papa. Tinan ida ne’e, peregrinasaun ba dadaun Ramelau ne’e mos manan idulzensia, tanba ne’e mak sarani hotu-hotu ba iha ne’eba ba ho orasaun, ba ho intensaun di’ak, reza ba ita nia familia, nasaun no grasa ne’ebe mak ita presija.

Entretantu, Prezidente Komisaun, Moises Mota dehan komisaun organizadora iha ona ajenda importante balun atu realiza iha loron 6-7, primeiru ajenda mak vizita Amo Bispo ba iha ne’eba, sei simu kultura Hatuberliku ninian, depois misa ba iha fatin tara-bandu.

“Iha tinan 2018 husi Sekretariu Estadu ba halo tara-bandu, inklui mos husi Turizmu ba halo tara-bandu, ita haree nafatin laiha mudansa, tan ne’e ami husi komisaun organiza ona tara-bandu ida ne’e ho ita nia kultura, ami hasa’e ona ita nia sasan uma lulik sira husi uma lisan, tau hotu iha ne’eba para loron 3 Outubru lokraik, Amo Bispo sae ba leten ita sei tau buat lulik sira ne’e, tanba vizitante sira ba dalabarak estraga fatin ne’e laos sagradu, sai fali fatin livre ba iha ne’eba”, esplika Prezidente Komisaun Moises Mota.

Print Friendly, PDF & Email

LEAVE A REPLY

Please enter your comment!
Please enter your name here