Home EduTek Lansamentu Livru Edisaun Daruak “Alicia nia Diariu”, Gabriel: Siensia Sempre Iha

Lansamentu Livru Edisaun Daruak “Alicia nia Diariu”, Gabriel: Siensia Sempre Iha

215
0
lansamentu livru hau nia diaria. [Foto: Marcio Morato | 11.02.2021]

Reportazen Marcio Morato Pinto

“Siensia maka iha ita ema nia sorin-sorin, iha serbisu hotu ne’ebe ema halo iha laran ka iha liur, siensia ne’e sempre iha”. Gabrielson

Governu liu hosi Vice Ministro Edukasaun Juventude no Desporto (MEJD), Antonio Guterres lansa livru edisaun daruak nian ho titlu Alicia nia Diariu. Liu hosi lansamentu ne’e, autor ka hakerek nain livru refere, Curt Gabriel Gabrielson hateten livru ba daruak nian foka konaba siensia iha Timor.

“Livru refere konaba siensia iha Timor, labarik malae ne’ebe husu perguntas barak no ema Timor maka fó hanoin ba nia siensia, no loron loron nia hakerek iha diariu laran, konaba saida maka mosu ba nia” dehan autor Curt ‘Gabriel’ Gabrielson, iha video aprezentasaun iha sala Leitura Xanana Gusmão Reading Room, 11/02.

 Curt ‘Gabriel’ Gabrielson esplika Alicia maka alin malae ida ne’ebe hela iha Timor, nia iha pergunta barak, nia hakarak aprende buat barak, nia hatene katak iha eskola laran nia bele aprende no mos bele aprende barak liu tan iha liur, iha fatin ne’ebe nia liu, nia sempre buka atu aprende liu husi ninia perguntas sira nebe nia husu.

“Siensia maka iha ita ema nia sorin-sorin, iha serbisu hotu ne’ebe ema halo iha laran ka iha liur, siensia ne’e sempre iha”, hatutan Gabrielson.

Autor ba livur nee haktuir momentu nia hela iha Timor, nia rasik aprende tuir estratejia Alicia nian no nia espera katak liu hosi livru ida ne’e, bele fó rezultadu diak ba rai Timor tomak no bele hanorin ema katak siensia la presiza hein hosi mestre, husi eskola, husi livru maibe bele ba buka rasik liu husi fó perguntas ba ema seluk, buka no koko rasik maka bele aprende.

Iha fatin hanesan Vice Ministro Edukasaun Antonio Guterres hateten livru sai hanesan centro informasaun ida, centro siensia ida no centro referensia. Nune’e livru refere iha metodologia ne’ebe sistematizada tebes, infleunsia tebes, atu dada ema hodi lee no inspira tebes edukador sira.

Entretantu Antonio Guterres konfessa katak hanesan Governante prontu nafatin kolabora ho inisiativa tomak ne’ebe sala Leitura Xanana Gusmão Reading Room (SLXG) halo, liuliu ho parseiros sira hotu no Jestor SLXG atu hare ba oin ho esperansa hodi hein posibilidade boot sei mosu tan edisaun ba datolu.

Lansamentu ba Livru refere lansa hosi Vice Ministro Edukasaun Juventude no Desporto Antonio Guterres, marka prezensa husi Embaixador Portugal, Embaixador União Europeia, Eix titulares, reprezentante diplomata, Diretores Jerais, representante Biblioteka iha Dili no estudante sira. Lansamentu livru ne’e organiza husi Jestor Sala Leitura Xanana Gusmão Reading Room

Print Friendly, PDF & Email

LEAVE A REPLY

Please enter your comment!
Please enter your name here