Home Notisia Suku 3 Iha Ossu Sedauk Simu Sesta Bazika Tanba Estrada Aat

Suku 3 Iha Ossu Sedauk Simu Sesta Bazika Tanba Estrada Aat

242
0
Administrador Postu Ossu, Agusto de Sousa. [Foto: David da Costa | 11.02.2021]

Reportazen David da Costa Gusmao

Suku hamutuk tolu iha postu administativu Ossu, municipiu Viqueque sedauk simu Sesta Bazika tanba Estrada at impaktu hosi udan boot no kareta labele liu estrada refere.

Administrador Postu Ossu, Agusto de Sousa informa iha suku 10 no aldeia 59 iha postu Administrativu Assu nian no iha suku 7 (suku Loihunu, suku Ossu de Cima,  suku Builale, suku  Osorua, suku Uagia,  suku Uabubu no suku Builo) mak simu ona sesta bazika no iha suku 3 (Suku Liaruka, suku Nahareka no suku Uaibobo) mak seidauk simu tanba estrada aat no kareta labele liu maibe sei halo esforsu para iha fulan ne’e komunidade sira simu hotu.

“Iha ami nia suku 3 mak seidauk simu sesta bazika tanba iha tempu udan estrada ladun diak ne’ebe kareta boot sira tula sasan ne’e labele tama tanba rai namdoras”, dehan Administador Postu Ossu.

Nia dehan Planu VIII Governu atu halo rekuperasaun ekonomia iha situasaun Estadu Emerjensia (EE), atu fahe osan ba kada ema ida, maibe ikus fahe fali produtu.  

“Hau nian hanoin durante ne’e sira halo promete ba iha povu katak $25,00 kada ema ida,  iha familia ida nia laran sira nia hakarak simu mak osan, atu hola sasan ne’ebe sira presiza iha estadu emerjensia nia laran, maibe mai laos ona osan maibe produtu lokal fali”, dehan Administrador Postu Ossu, Augusto de Sousa iha Lui-Hunu muncipiu Viqueque, 09/02.

Nia dehan Sesta Bazika ne’e mos sira kahur ho produtu importasaun mak fahe ba komunidade sira no ai- batar maibe komunidade nia hakrak ne’e fahe deit osan.

“Sira hato’o sira nia hanoin mai ami, katak sira moris susar konaba osan,  ami tuur iha dalan faan ami nia produtu sira mak la folin, ami fo tia fahi no ikus governu fahe fali sesta bazika, ai-han ne’ebe mak mak komunidade sira nian iha”, tenik Agusto

Nia subliña iha suku 10 no aldeia 59 iha postu Administrativu Ossu nian no iha suku 7 (suku Loihunu, suku Ossu de Cima,  suku Builale, suku  Osorua, suku Uagia,  suku Uabubu no suku Builo) mak simu ona sesta bazika no iha suku 3 (Suku Liaruka, suku Nahareka no suku Uaibobo) mak seidauk simu maibe sei halo esforsu para iha fulan ne’e komunidade sira simu hotu.

Print Friendly, PDF & Email

LEAVE A REPLY

Please enter your comment!
Please enter your name here