Home Notisia Virgilio Enkoraza Orgaun KomSos Respeita Direitu Resposta no Retifikasaun Públiku

Virgilio Enkoraza Orgaun KomSos Respeita Direitu Resposta no Retifikasaun Públiku

1292
0
Prezidente KI, Virgilio Guterres. [Foto: Francisco JDA | 10.02.2021]

Reportazen Francisco JDA

Prezidente Parlamentu Nasionál (PPN) Anicetu Guterres fo posse ba membru Konselho Imprensa (KI) nain 5 ba period 2021-2025, mak hanesan Virgilio Guterres nudar Prezidente,  Expeditu Dias nudar membru, Francisco Simoes Belo nudar Membru, Benevides Coreia Barros nudr Membru no Otelio Ote nudar membru.

Hafoin tomada de posse, Prezidente Parlamentu Nasionál, Anicetu Guterres iha diskursu hateten katak, Konselho Imprensa orgaun ida importante iha mundu komunikasaun sosial ne’ebé indispensavel ba humana sosial, iha konstrusaun no rekonstrusaun Timor-Leste, nudar estadu direitu Demokratiku no hala’o funsaun rigorozu, transparante, independente, imparsial, profesional, integridade etika no igualdade

“Ohin ha’u fo pose ba membru eleitos nain lima hodi fo kontinuidade funsionamemtu orgaun ida ne’e, saida mak normas legais atribui ba orgaun komunikasaun sosial, ba jornalista sira no públiku nia espetativa, tula mós ba ita boot sira nia kabas, ita boot sira eskolido ba hala’o funsaun ida ne’ebé todan no nakonu ho dezafius iha prosesu konstrusaun no rekonstrusaun sosiedade Timor-Leste ne’ebé kompleksu. Ita boot sira ema eskolido hosi sidadaun sira no tuir rekezitus estatutu Konselho Imprensa nian, hatudu integridade independensia no teknika kompetensia rekoinesida”, hateten Prezidente Parlamentu Nasionál, Aniceto Guterres iha PN,10/02

Aniceto Guterres reforsa tan ita moris iha sosiedade pluralistika multidemensional ne’ebé nakloke ba mudansa, kontinua iha Liberdade, ezejisensia hato’o no hetan informasaun, dala barak ema kondenadu tanba liberdade ne’e, tan ne’e presiza iha norma reguladora hodi halo ekilibrio ba ejizensia hirak ne’e

Iha Fatin Presidente Conselho Imprensa, Virgilio Guterres ba jornalista sira katak dadaun ne’e Konselho Imprensa sei foku ka konsentra ba konsolidasaun ba ajusta diresaun no departamentu instituisaun tuir nesesidade ne’ebé identifika iha planu anual nian no kontinua apoia asosiasaun sira ba kapasitasaun tekniku jornalista professional.

“Ami halo monitoring ba kontiudu, liuliu konteudu sira ne’ebé sai atensaun públika, ami enkoraza orgaun komúnikasaun sosial sira atu respeita direitu resposta no direitu ratifikasaun públiku nian no  ba oin buat ne’ebé sai hanesan ami nia prekupasaun mak oinsá apoia asosiasaun sira ba kapasita profesional jornalista atu hasae kapasidade teknika professional”, hatete Prezidente Konselho Imprensa

Print Friendly, PDF & Email

LEAVE A REPLY

Please enter your comment!
Please enter your name here