Home Notisia SEKOOP Husu INDMO Atu Sertifika Formador Ne’ebe Kualifikadu

SEKOOP Husu INDMO Atu Sertifika Formador Ne’ebe Kualifikadu

271
0
Sekretariu Estadu Kooperativa, Elizariu Fereirra. [Foto: Adalgisa Pereira | 02.10.2020]

Reportazen Adalgisa Pereira

Empresa hamutuk 207,  iha 15 mak prense kriteria ona no akredita ona 25. INDMO  iha plano ba tinan oin akredita tan 5 deit, tamba tenke hare ba nia jestaun hanorin no fasilidade sira ne’ebe mak adekuadu para garante sentidu mao de obra nee ho kualidade.

Sekretariu Estadu Kooperativa (SEKOOP) ho Indmo halo enkontru atu fasilita formador sira SEKOOP nian, hodi bele hetan sertifikadu husi INDMO tanba hanesan instituisaun ida neebe mak governu fo fiar atu sertifika formador sira iha rai laran .

Sekretariu Estadu Kooperativa, Elizariu Fereirra hateten fasilita formador SEKOOP nian bele mos hetan sertifikadu  ka rekonesimentu husi INDMO, atu iha formador ne’ebe mak ema bolu dehan kualifikadu profisional no adapta ba realidade.

Nia informa Agora dadaun funsionariu ne’ebe mak regista iha SEKOOP hamutuk  nain 29 mak sai hanesan formador, sira iha 21 nudar formador tamba sira ne’ebe mak foin hetan formasaun, atu forma oinsa atu sai formador.

Iha fatin hanesan irectora Ezekutivu INDMO, Isabel Fernandes de Lima hateten INDMO hanesan orgaun regulador ne’ebe atu regula formasaun iha teritoriu Timor-Leste no fo rekonesimentu ba sertifikadu ne’ebe mak akredita .

“INDMO iha kna’ar atu bele regula no atu tau matan ba sira, atu bele produs kualidade mao de obra ne’ebe mak forma husi centro sira. Durante nee INDMO rejistu centro formasaun hamutuk 93, maibe iha aplikasaun ne’ebe mak mai husi serve hamutuk 207, ne’e empresa ne’ebe mak hakarak atu foti nia lisensa, atu loke nia empresa maibe relasiona ho formasaun profesional tenke hetan rekomendasaun husi INDMO uluk, hafoin nia ba rejista iha serve, atu hetan lisensa ba negosiu,” dehan Isabel Fernandes de Lima, 02/10.

Iha  empresa hamutuk 207,  iha 15 mak prense kriteria ona no akredita ona 25. INDMO  iha plano ba tinan oin akredita tan 5 deit, tamba tenke hare ba nia jestaun hanorin no fasilidade sira ne’ebe mak adekuadu para garante sentidu mao de obra nee ho kualidade

Print Friendly, PDF & Email

LEAVE A REPLY

Please enter your comment!
Please enter your name here