Home Meio Ambiente Soe Lixu Arbiru Iha Kampus UNTL Sedauk Rezolve, Camilo: Tanba Falta Konsiensia

Soe Lixu Arbiru Iha Kampus UNTL Sedauk Rezolve, Camilo: Tanba Falta Konsiensia

333
0
Ekipa klinika jurnalismu halo entrevista ho Dekano Camilo no Estudante UNTL. [Foto: Ekipa Klinika Jurnalismu | 03.10.2020]

Reportazen ekipa Klinika Jurnalismu UNTL-UNESCO

Lixu sai preokupasaun ema hotu nian, lixu sei estraga imajem rai furak ida, laos lakon deit furak, maibe problema boot liu mak sei sai ameasa boot ba Ambiental, nune’e sei fo impaktu ba ema no animal nia moris.

Ekipa Klinika Jurnalismu UNTL-UNESCO halo observasaun direita iha kampus Universidade Timor Lorosa’e (UNTL) konaba kondisaun soe lixu ne’ebe la tau iha nia fatin, tanba karik sedauk iha konsiensia hosi ema oinsa, proteje ambiente hosi lixu hanesan plastiku no kaleng.

Ekipa Klinika Jurnalismu dadalia ho Decano Fakuldade Ciensia Sosiais (FCS), Camilo Ximenes de Almeida informa katak iha tinan 2019 komesa taka ona informasaun konaba labele soe lixu arbiru, maibe sei falta konsiensia.

“Estudante soe lixu arbiru tamba falta de konsiensia, tanba estudante Universitariu agora hahu la distingi nia-an nudar estudante Universitariu tanba iha posibilidade rua hanesan mantein solensiu, no labele soe lixu arbiru”, hateten Aktual Dekanu ne’e ba Eeipa kinika jurnalismu ih Kinta 01/10/2020 iha nia knaar fatin kampus Lama UNTL.

Dekanu nee sublina liutan katak estudante ne’ebe destroi lixu la tuir nia fatin, konsidara falta edukasaun ne’ebe hahu husi uma Laran.

“Estudante soe lixu arbiru tanba problema falta informasaun husi inan aman no era agora, era stupidu hodi lakon identidade liliu kultura, hodi la respeita ambiente no soe lixu la tuir ona nia fatin”. dehan nia.

Nia haktuir katak nudar estudante Universirariu tau-an hanesan ema intelektual hodi luta ba ambiete moos no saudavel.

“Hau hanoin estudante universitariu la presiza hanorin maibe tau-an nudar ema intelektual hodi hadomi nia ambiente no tenke husi lixu iha fatin ne’ebe preparadu ona, hanesan lixeira sira ne’ebe destaka ona iha resintu universidade nian, hodi konsentra lixu sira iha laran”, tenik Dekanu Fakuldade Siensia Sosiais.

Iha fatin hanesan estudante klinika jurnalismu dada lia ho estudante Komunikasaun Sosial, Domingos Soares hodi husu kona-ba lixu neebe oras nee namkari iha aredores fakuldade siensia sosiais nian.

“Universidade nudar fatin ida ne’ebe atu eduka ema sai matenek no transforma estudante atu sai ema ne’ebe produtivu, dadaun kolega estudante barak mak la iha konsiensia atu aruma lixu, tuir nia fatin, dalaruma lixu hirak ne’ebe estudante sira kontinua soe, nia impaktu nee bele hamosu moras liliu moras dengue”, hateten Domingus

*(Liliana Galucho, Juliao Faustino Soares, Julio de Jesus Fernandes,  Joanito Freitas no Leochandra Samuela nudar estudante UNTL ne’ee tuir formasaun klinika jurnalismu ne’ebe realiza hosi UNTL-UNESCO no mentor publika iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here