Home Uncategorized FONGTIL Halo Diálogu, Impaktu COVID-19 no Inundasaun Ba Setór Infraestrutura Bázika

FONGTIL Halo Diálogu, Impaktu COVID-19 no Inundasaun Ba Setór Infraestrutura Bázika

436
0
Koordenadór Gabinete de Apoiu Sosiedade Sivíl (GASK), Filipe da Costa. [Foto: Joanina Casemiro| 18.06.2021]

Reportajen Joanina Casemiro

Forum Organizasaun Naun-Governamentál (FONTIL) organiza diálogu datoluk entre Governu no sosiedade sivíl, hodi diskute kona-ba impaktu COVID-19 no inundasaun ba setór infraestrutura bázika iha Timor-Leste.

Hafoin diálogu, Koordenadór Gabinete de Apoiu Sosiedade Sivíl (GASK), Filipe da Costa hateten diálogu ne’e importante tebes atu komunika ba malu, tanba bele partilla informasaun, no fahe rekomendasaun atu instituisaun governu nian no sosiedade sivíl serbisu hamutuk, hodi hadi’a prestasaun serbisu atu atinje objetivu estadu.

“Apoiu subvensaun ne’ebé GASK aloka ba FONGTIL, parte husi programa VIII Governu Konstitusionál nian liu-liu programa 2.10 kona-ba sosiedade sivíl, apoiu polítika governu hodi dezenvolve ekonomia, sosiál no polítika, hodi ajuda estadu foti desizaun di’ak, diálogu ho governu no promove no dinamiza kooperasaun ho nasaun ka organiza nasaun seluk” dehan Felipe da Costa ba jornalista sira iha Salaun CNE, Colmera, 18/06.

Koordenadór GASK informa diálogu ne’e hatudu katak governu nafatin nakloke hodi serbisu hamutuk ho sosiedade sivíl sira hodi rona opiniaun no rekomendasaun sira. Tanba ne’e koordenadór apela ba sosiedade sivíl sira, hodi uza másimu oportunidade bainhira hala’o diálogu ho governante sira hodi hato’o sira-nia kritika konstrutivu no rekomendasaun sira ne’ebé sira identifika, bainhira implementa projetu no auditoria sosiál iha terenu.

Iha fatin hanesan, Diretór Forum Organizasaun Naun-Governamentál (FONGTIL), Daniel  Santos do Carmo  hateten infraestrutura baziku ne’e asuntu ida ne’ebé ligadu ho povu nia moris, mak hanesan bee-moos, eletrisidade no estrada iha área rural.

Print Friendly, PDF & Email

LEAVE A REPLY

Please enter your comment!
Please enter your name here