Home EduTek Eskola EBC Laclubar Menus Livru, Laiha Biblioteka no Komputadór, Nilsia: Ami Hakerek...

Eskola EBC Laclubar Menus Livru, Laiha Biblioteka no Komputadór, Nilsia: Ami Hakerek Aprende Mais Susar

422
0
Kondisau eskola EBC Laclubar. [Foto: Joanina | 05.06.2022]

Reportajen estudante estajiadu UNTL, Joanina Casemiro

Diretór Eskola Báziku Centro (EBC) Postu-Administrativu Laclubar Munisípiu Manatutu, Francisco M. Soares husu ba parte governu liu-liu Ministériu Edukasaun Juventude Desportu (MEJD), bele resolve lalais problema kona-ba ekipamentu Administrasaun eskola nian, tanba komputadór sira  iha administrasaun estragus hotu, nune susar atu prepara matéria ba estudante sira hodi tuir ezame, no fatin biblioteka laiha no livru menus ba estudante sira.

Ba jornalista Neon Metin liuhusi telefone Diretór Francisco informa katak iha eskola ne’e  sasán barak mak la sufisiente ba estudante sira, hanesa livru menus no komputadór laiha hodi ajuda administrasaun sira prepara matéria ba estudante sira.

Nune’e Diretor Francisco husu ba Ministeriu Edukasaun Juventude no Desportu hodi bele buka solusaun, tanba ekipamentu ne’ebe MEJD lori mai iha tinan 2011 to’o ohin loron aat ona, no iha tinan ne’e bele responde ba nesesidade eskola refere nian.

Iha fatin hanesan estudante Nilssia Farelia Candida Da Silva informa, livru iha maibe menus inklui biblioteka rasik laiha, nune salaun enkontru sai hanesan biblioteka, tanba livru refere sira tau iha salaun eskola hodi asesu maibé la sufisiente.

“Iha eskola ami hasoru problema bo’ot mak fasilidade eskola nian la sufisiente, triste tebes tanba hakarak atu aprende hanesan ho kolega sira seluk, maibe ami nia fasilidade eskola mak la to’o atu aprende ho di’ak,” dehan estudante Nilssia ba Neon Metin.

Print Friendly, PDF & Email

LEAVE A REPLY

Please enter your comment!
Please enter your name here