Home Notisia Cidalia: Labele Fo Sala Teknolojia, Ita Labele Sai Atan Ba Teknolojia

Cidalia: Labele Fo Sala Teknolojia, Ita Labele Sai Atan Ba Teknolojia

472
0
Espoza Prezidente Republika, Cidalia Nobre Lopes Mouzinho Guterres. [Foto: Santina Lucia da Costa | 09.10.2020]

Reportazen Santina Lucia da Costa

Dadus ne’ebe mak Plan Internasional aprezenta liu husi peskiza iha nasaun 22 hatudu katak jovens iha preferensia utiliza media hanesan Facebook, Whatsapp, Twiter, instagram no Tik Tok.

Loron mundial labarik feto ne’ebe organiza hosi Plan Internasional ho tema Freedom Online, liu hosi selebrasaun ida ne’e, Espoza Prezidente Republika, Cidalia Nobre Lopes Mouzinho Guterres media online mak dalan alternativa ba responde problema Lockdown iha tempu defisil ida ne’e, tempu ne’ebe ita hotu luta hasoru surtu COVID-19, iha limitasaun ba movimentu ema nian, iha limitasaun ba espasu nune’e durante lockdown, sira ladun iha oportunidade atu espresa sira nia-an iha atividade extra hanesan arte, desportu, siensia, atividade relijiosa no sira hela iha uma uza media online hanesan dalan alternativu, hodi hetan aulas husi profesores sira no halo komunikasaun ba malu.

Espoza Prezidente Republika hateten iha Timor-Leste no mundu, ita observa ho dadus ne’ebe mak Plan Internasional aprezenta liu husi peskiza iha nasaun 22 hatudu katak jovens iha preferensia utiliza media hanesan Facebook, Whatsapp, Twiter, instagram no Tik Tok.

Nia dehan teknolojia media online hanesan tudik ne’ebe kroat ho matan rua, ida iha parte pozitivu no nia vantajen, katak, bele iha limitasaun ba movimentu maibe ita bele dada mundu tama iha ita nia uma ka fatin, labarik feto sira kontinua hetan asesu ba informasaun edukativu eskola nian no programa sira ho lalaok pozitivu, atu hasae sira nia konsiensia ho konhesimentu.

Husi parte sorin media nia desvantajen mos barak, “ita hatene katak ho idade ne’ebe kiik, atu ba idade adultu, labarik sira iha kuriozidade no nesesidade atu buka hatene no koko forte tebes”.

Tuir nia sei menus kontrolu husi inan-aman ka familia, fasil ba labarik feto sira atu monu ba problema sosial oioin, ne’ebe bele afeita ba sira nia hanoin no hahalok sira nia-an no vida. Idade nurak no ita nia sosiedade la hakotu siklu violensia ida ne’e, hanesan abuzu sexuais, pornografia no materiais violensia ne’ebe la edukativu, bele harahun jovens feto sira nia mentalidade no sira nia fiar, valores kulturais no fiar sai menus no mihis ba beibeik.

“Hau hakarak subliña katak, ita labele fo sala ba teknolojia, ita mak tenke domina teknolojia, laos ita sai atan fali ba teknolojia”, tenik Espoza Prezidente Republika, Cidalia Nobre Lopes Mouzinho, iha nia diskursu, iha Novu Turizmu, loron,8/10.

Nia hateten, Hatan ba kampanha internasional FREEDOM ONLINE ne’ebe mak lansa husi Plan Internasional ho nia parseiru sira, pertenente tebes ba ita hotu, kampanha ida ne’e iha relasaun direita ba feto, liuliu labarik feto no joven feto sira nia moris, oinsa sira foti desizaun hodi halo aktividade pozitiva tuir aktividade ne’ebe halo mudansa di’ak ba sira nia moris, hodi kontinua dezenvolve sira nia-an hodi explora mundu ho seguru.

Cidalia informa ba inan-aman sira hotu, maske fizikamente ita bele tau matan direita ba oan sira durante surtu Covid-19, inan-aman ka familia no ema adultu sira iha ho idade nurak, bele asesu no situs ne’ebe mak sira labele asesu. Tanba ne’e papel inan-aman nian, laos kria de’it oan ho domin maibe oinsa atu forma eduka no orienta oan sira sai ema.

Print Friendly, PDF & Email

LEAVE A REPLY

Please enter your comment!
Please enter your name here