Home Notisia Aniversariu EL Matador, Juvinal: Ami Loke Kompetisaun Boxista, nain 34 Mak Sei...

Aniversariu EL Matador, Juvinal: Ami Loke Kompetisaun Boxista, nain 34 Mak Sei Kompete

895
0
El Matador Boxing Club (EL'MBC) halo konferensia imprensa. [Foto: Francisco JDA | 09.10.2020]

Reportazen David da Costa Gusmao

Relasiona ho aniversariu ba dala uluk El Matador Boxing Club (EL’MBC) loke kompetisaun ba boxista hamutuk 34 pessoas, husi 34 ne’e mane 32 no feto 2 mak sei tuir kompetisaun boxing iha aban kalan, loron 10/10.

Prezidente Komisaun Organizadora, Juvinal Dias hateten El Matador hanesan club boxing ida iha Dili ne’ebe  hakarak organiza eventu boxing, atu halibur joven sira ne’ebe mak iha talent, atu bele tuir kompetisaun iha aban kalan.

“Iha eventu ida ne’e boksitas hamutuk 34 pessas mak sei tuir kompetisaun boxing ne’e, no husi boksitas sira ne’e Feto 2 no mane 32”, informa prezidente komisaun oraganizadora bainhira halo komunikadu imprensa iha SEJD, Sexta-Feira 9/10.

Nia dehan eventu ida ne’e atu bele promove talenta boksitas junior sira husi Timoroan, atu sira iha exprensia diak liu tan, no hatudu sira nia talentu ba Timor-Leste, “iha parte ida mos eventu ida ne’e ami mos hakarak atu komemora aniversariu El Matador ba dala uluk nian”.

“Insiativa ne’e husi ami EL Matador Rasik hodi loke kompetisaun ida ne’e no orasamentu ne’ebe ami iha hodi loke eventu ne’e hamutuk $2.700, laiha suporta finanseru husi parte governu, maibe parte governu apoiu deit fatin ba ami, mak iha SEJD”, tenik Juvinal.

Nia haforsa iha mos apoiu husi kompaniaa no organizasaun balun mak Calteck, Morena,  Timor-Telekom, Amizade,  Bidau Masaur, Limos,  J5 pro sound, Federasaun FBATL, Muay-thayi, Reveuse,  Casa Grande, no komunidade Klan.

Nia esprera katak iha futuru governu bele apoiu maximu  ba eventu sira hanesan, atu nune’e bele promove nafatin boxistas sira nia talentu iha futuru.

Clube hamutuk 11 ne’ebe sei tuir kompetisaun mak  El Matafor,  Laulara Boxing,  Benfica Boxing Club,  Loriku Boxing, Bidau Masaur,  Casa Grande, Cavalo, Oriental BC,  Manu Mata,  Thomas Americu no Muay-Thayi.

Print Friendly, PDF & Email

LEAVE A REPLY

Please enter your comment!
Please enter your name here