Home EduTek EBF Uai-Tono Laiha Biblioteka no Sala Ba Manorin, Ernesto: Sala Sorin ...

EBF Uai-Tono Laiha Biblioteka no Sala Ba Manorin, Ernesto: Sala Sorin Ba Aula, Sorin Ba Manorin

527
0
Koordenador Eskola Basika Filial (EBF) Uai-Tono, Ernesto de Carvalho. [Foto: Bernarda da Costa | 11.11.2020]

Reportazen Bernarda da Costa

Eskola Basika Filial (EBF) Centro Bimali UAI-TONO,  iha suku Builale postu administrativu Ossu, Munisipiu Viqueque tinan naruk nia laran to’o ohin loron sedauk iha biblioteka no laiha sala ba manorin sira, atu uza.

Jornalista Neon Metin halo entrevista ho Koordenador Eskola Basika Filial (EBF) Uai-Tono, Ernesto de Carvalho, ba Neon Metin Ernesto konfesa katak sala manorin ne’ebe laiha, ho nune’e sira laiha vontade atu hanorin estudante sira, tamba durante ne’e biblioteka ho sala ba manorin sira haketak deit sala de aula, hodi sai fali sala ba manorin no mos biblioteka.

Koordenador Ernestu de Carvalho hateten eskola refere iha livrus kompletu,  maibe fatin laiha atu tau livrus sira, entaun livrus sira ne’e tenke tau hamutuk deit iha sala de aula.

“Laiha biblioteka maibe livru sira ne’e rai hamutuk deit iha sala de aula, nebe mak estudante sira aprende ba, entaun fatin nebe estudante sira aprende ne’e klot tebes”, dehan Koordenador eskola EBF BimalinUAI-TONO ba Neon Metin  iha eskola ensinu basiku filial Centru Bimali Uai -Tono ,Kinta (5/11).

Nia dehan eskola refere mos laiha edifisiu ba professor sira atu uza ,ho nune’e iha sala ida maka professor sira haketak fali sala sorin uza ba sala de aula no sorin uza ba edifisiu ba manorin.

“Sente la kontente tanba sasan barak ami tenke tau hamutuk deit, entaun halo ami atu serbisu mos laiha vontade diak, tamba wainhira labarik sira barullu, entaun ami halo serbisu la diak”,sublina Koordenador eskola.

Koordenador da eskola ne’e husu ba governu, tenke kria mos fatin ba manorin sira, atu nune’e halo servisu ruma karik labele entrompe husi estudante sira nia barullu.

LEAVE A REPLY

Please enter your comment!
Please enter your name here