Home Notisia AHP Distribui Sasan Ba Uma Kain 50 Iha Aldeia 4 Setembru Tanba...

AHP Distribui Sasan Ba Uma Kain 50 Iha Aldeia 4 Setembru Tanba Sedauk Hetan Apoiu

788
0
AHP distribui sasan ba komunidade iha aldeia 4 Setembro. [Foto: Francisco JDA | 27.04.2021]

Reportazen Francisco JDA

Inundasaun ne’ebé akontese iha loron 4 Abríl, hamosu kauza boot, kuaze uma kain lubun mak hetan afeta, hetan estragus no evakua bai ha centro evakuasaun sira iha Dili laran no entre komunidade sira ne’e barak hetan ona tulun hosi governu, organizasaun sivil, grupu umanitaria sira no pesoal sira.

Situasaun balun ne’ebe komunidade hasoru iha aldeia 4 Septembru, suku Comoro to’o agora iha familia afetadu hamutuk uma kain 50, no uma kain 7 konsidera grave, maibe to’o agira sedauk hetan apoiu hosi governu.

Hafoin Oxfam iha Timor-Leste no Caritas Austrália ne’ebe parte hosi konsorsiu Australian Humanitarian Partnerhsip (AHP) identifika fatin refere no fó ona apoiu hanesan kulsaun no manta ba uma kain 7 ne’ebé grave.

Tuir Respresentante Komunidade, aldeia 4 Setembru Suku Comoro, Francisco Trindade ba Neon Metin hateten katak, uma kain ne’ebé afetadu iha aldeia 4 Setembru to’o agora sedauk hetan ajudus hosi governu, maibé ohin agradese tanba Oxfam no Caritas Austrália mak tulun ona sasán oituan.

“Ha’u husu ba governu, atu apoio netik ami iha situasaun kalamidade ida ne’e, dalaruma governu no NGO sira mai ona, maibé tau matan liu ba sira rai tetuk maibé ami iha rai hun no rai lolon ida ne’e durante seidauk hetan apoio hosi parte governu, maibé ohin agradese tanba Oxfam ho Caritas Australia bele to’o mai iha ami nia fatin no agora tulun oituan ba uma kain ne’ebé grave liu,” hateten Francisco Trindade, iha aldeia 4 Setembro, 27/04

Iha Fatin hanesan komunidade afetadu, Auxiliadora dos Santos  ba Neon Metin espresa katak senti triste tanba uma ne’ebé hela la aproveita total, nune’e dadaun hela hamutuk ho vizinhos ne’ebé besik, nune’e husu governu karik bele ajuda apoio konstrusaun uma nian.

“Ha’u husu ba governu karik bele hadia fali ami nia uma no fó osan oituan, tanba semana rua ona ami iha de’it vizinhos sira nia uma, no loron mak foin ba hamoos uma ne’ebé rai tama hotu ba laran,” hateten Auxiliadora dos Santos.

Nia reforsa durante indundasaun akontese komunidade aldeia 4 Setembro hetan ona apoio emergencia hanesan fos no mina inklui sasán ijiene ne’ebé oferese hosi espoza Primeira Ministra, maibé ladún sufisiente tanba uma kain barak mak afeta.

Print Friendly, PDF & Email

LEAVE A REPLY

Please enter your comment!
Please enter your name here