Reportajen Zevonia Vieira
Enkarregadu Negósiu Estadu Unidu Amerika (EUA), Tom Daley halo meza redonda ho jornalita sira, hodi fahe informasaun sira ne’ebe liga ho pillar importante sira hanesan Estadu Unidus nia esforu hodi promove estratéjia Indo-Pasiku iha Timor-Leste, inklui liuhusi apoia ba reabilitasaun Aeroportu Baucau, asina akordu Timor-Leste Compact liuhosi Millennium Challenge Corporation, esforsu konjunta entre Estadu Unidus – Timor-Leste ba hasa’e oportunidade bolsa-estudu, no área sira seluk.
Konaba Indo-Pasiku Ba jornalista sira Enkaregadu Daley hateten Estadus Unidus Amérika nian iha tinan kotuk, Prezidente Biden hatete katak “futuru ba ita-nia nasaun ida-idak depende ba Indo-Pasífiku ida ne’ebé livre no nakloke, ne’ebé iha sustentabilidade no prosperidade iha dekada hirak tuirmai.”
Nune’e EUA agora dadauk serbisu hodi alkansa vizaun liuhusi kumpre objetvu prinsipal lima, kolabora ho ami-nia aliadus, parseirus no instituisaun rejionál sira, hodi promove Indo-Pasífiku ida ne’ebé livre no nakloke, Estabelese ligasaun sira iha rejiaun laran no liur, Promove prosperidade rejionál, Haforsa seguransa iha Indo-Pasífiku no Hari’i reziliénsia rejionál hasoru ameasa transnasionál sira.
“Ha’u hakarak mensiona ezemplu balu kona-ba oinsá Estadus Unidus Amérika, halo parseria ho Timor-Leste, hodi lori vizaun ne’e ba oin iha área lima iha tinan kotuk”, dehan Daley liuhusi meza redonda iha embaixada Amerika, 09/02.
Nia dehan governu Amerika nia interese hodi promove Indo-Pasifiku ida ne’ebe livre no nakloke katak presiza Indo-Pasifiku ne’ebe livre no nakloke, iha ne’ebé governu sira bele halo sira-nia desizaun soberanu rasik, konsistente ho sira-nia obrigasaun tuir direitu internasional, no iha ne’ebé tasi, espasu aéreu sira, no domínio komun sira seluk governa tuir lei.
Tanba ne’e Enkarregadu Delay afirma katak Komandante INDOPACOM Estadus Unidus nian, Almirante John Aquilino, iha semana kotuk anunsia katak Estadus Unidus Amérika kompromete ona millaun $23-resin, hodi reabilita Aeroportu Baucau hamutuk ho Governu Timor-Leste.
“Reabilita aeroportu Baucau no ajuda F-FDTL liuhusi kriasaun Komponente Aéreu sei ajuda governu Timor-Leste hodi monitoriza ninia territóriu, responde ba dezastre naturál sira, no promove dezenvolvimentu ekonómiku”, dehan Daley
Nia hatutan Timor-Leste sei bele defende ninia sidadaun sira ho di’ak liután, proteje ninia soberania, no promove ninia interese nasionál rasik.
