Home Notisia ABCID Ho Oxfam Realiza Formasaun ba Jornalista Konaba Reportazen Inkluzivu no Asesivel

ABCID Ho Oxfam Realiza Formasaun ba Jornalista Konaba Reportazen Inkluzivu no Asesivel

455
0
Program Manager AHP, Josh Fernandes Babo. [Foto: Zevonia Vieira | 09.02.2021]

Reportazen Bernarda da Costa

Oxfam ho ABCID organiza formasaun ba jornalista sira konaba oinsa halo reportazen konaba dezastre naturais ne’ebe inkluzivu no asesivel.

Ba jornalista Neon Metin Program Manager ba Programa Australian Humanitarian Partnership (AHP), Josh Fernandes Babo hateten parte Oxfam nian hakarak hare liu ba iha parte inkluzivu ema ho defisiensia responde ba iha dezastre nian.

Nia dehan ho oportunidade formasaun ida ne’e, espera bele iha ligasaun diak liu tan ho jornalista sira iha Timor laran tomak, oinsa atu fahe mos esperiensia no konnesimentu konaba halo reportazen ba iha inkluzivu, ema ho defisiensia responde ba iha dezastre.

“Ami espera katak ho formasaun ida ne’e jornalista sira bele sai hanesan liman ain ba ema ho defisiensia sira, atu nune’e bele foti asuntu ka reportazen ruma kona ba inkluzivu ema ho defisiensia, liu-liu  responde ba iha dezastre naturais no iha situasaun surtu COVID-19”, dehan Program Manager AHP ba jornalsita sira iha fatin formasaun Cruz Vermelha Timor-Leste (CVTL), 08/02.

Nia hatutan katak formasaun hanesan hala’o tiha ona iha tinan 2019  ho organizasaun nebe hanesan ABC Internasional Development no Oxfam mak fasilita no iha jornalista balun mak agora bolu fila fali, hodi tuir formasaun ida ne’e, atu haklean liu tan sira nia konnesimentu no mos atu hare fali mudansa ruma karik sira aplika ona iha sira nia servbsu.

Plano ba futuru sei kontinua ho formasaun balun, hodi fahe ba jornalista sira no sei konvida mos parte governu nian, atu nune’e sira  mos konsidera ema ho defisiensia sai autor risku boot ba iha dezastre ruma.

“Tuir observasaun nebe iha katak governu durante ne hare no reponde deit ba iha dezastre ne’ebe geral ,maibe seidauk hare  espesifiku liu ba ema ho defisiensia sira wainhia hasoru dezastre ruma”, dehan Josh Fernandes

Formasaun ne’e Oxfam mos halo parseria ho Ra’es Hadomi Timor (RHTO) no programa ne’e hetan apoiu finanseiru hosi governu Australia. Partisipante sira ba formasaun refere mai hosi media online, RTTL, radio no jornal sira.

Print Friendly, PDF & Email

LEAVE A REPLY

Please enter your comment!
Please enter your name here