Home Notisia Ahi Han Mutuk Uma 100 Resin iha Eis-Merkadu Comoro

Ahi Han Mutuk Uma 100 Resin iha Eis-Merkadu Comoro

3571
0
Ahi han mutuk uma 100 resin iha Eis-Mercado Comoro (Foto: santina LdC)

Reportajen Santina Lucia da Costa

Ohin, 9/12, tuku 10.35 dader, ahi han mutuk uma 100 resin iha Eis-Merkadu Comoro. Diskonfia katak insendiu ne’e akontese tanba efeitu hosi makina dulas nan-kabuar (pentolang) mak rebenta. Seidauk hatene loloos vitima nain hira maibe ema familia sira lakon sira nia materiais negosiu, estudu, negosiu, no mos uma.

Tuir Xefe Aldeia 05 suku fatuhada, Sr. Egidio Freitas hateten, nia tur iha uma, nia haree ba kalohan ahi suar makaas, ne’e mak nia rona komunidade balun hakilar ahi han uma no nia direita halai mai iha fatin refere.

Nia hatutan motivu husi ahi han uma ne’e nia ladun hatene “ hau ladun hatene motivu husi ahi han uma ne’e”.

Iha parte seluk vitima ba ahi han uma, Cesario da silva dehan, nia iha servisu fatin, derepenti nia alin sira telfone nia katak ahi han uma, nia hakfodak nia halai mai liu uma, to’o iha uma, ahi han motuk hotu ona uma no sasan sira labele salva.

“ahi han uma ne’e kolega sira telfone hau, ne’ebe hau to’o iha ne’e mos tarde. Kolega sira dehan, ahi han ne’e komesa husi kolega Akay Watakay nia uma, husi ne’eba mak mai han mutuk to’o sorin. Uma kuaze 100 resin karik, sasan mos la hasai hotu, no ema mos halai namkari hotu. Hau nia oan de’it to’o agora hau laharee nia oin iha ne’ebe hau ladun hatene,” dehan vitima Sejario ba Jornalista Neon Metin ho matan been.

Nia hatutan, Ahi han nia uma nia senti triste teb-tebes, ita hela iha fatin ida hanesan ne’e mak ahi han tan lahatene los ita atu ba foti iha ne’ebe, grasas a deus ema la mate.

Nia husu agradese ba bombeirus ho juventude bairu laran laran tomak ne’ebe mak mai ajuda lori bee rega ahi.

Tuir observasaun jornalista neonmetin.info diskonfia motivu husi ahi han uma ne’e tanba imapaktu husi mesin dulas pentolang rebenta ne’e mak uma 100 resin ahi han motuk hotu no sasan sira nein atu salva.

Husu ba parte governu ministru relevantes se bele tun lalais ajuda netik tanba ita haree kuaze ema barak mak lakon nia sasan, lahatene orsida kalan atu han saida, nune’e mos osan balun ahi han hotu.

 

LEAVE A REPLY

Please enter your comment!
Please enter your name here