Reportajen Filomena da Conceicao
Sekretariu Estadu Formasaun Profesional Empregu ( SEFOPE), hala’o serimonia despedida ho trabaildor 63 husi Koreia no nain 4 husi trabaildor Japaun hodi asina termu aseitasaun entre familia ho governu, molok trabaildor hirak ne’e dezloka ba servisu iha ema nia Rai.
“Ohin Ita halo serimonia despendida ba trabalador Sira neebe mak sei desloka ba Koreia Iha 63 no nain 4 sei deskloka ba Japaun iha semana ne’e. Seremonia no eventu sira hanesan ne’e hahu kedas ona husi Primeiru governu estabele koperesaun ho Koreia Iha 2009, Australia iha 2012, Japaun 2023 no iha 2025 estabelese ho Nova Zelandia.” Dehan sekretariu Estadu SEFOPE, Rojeiru Araujo Mendoca ba Jornalista iha Timor Logde Comoro, sesta,6/03/2026.
Governante ne’e esplika katak, Objetivu hodi hala’o serimonia despendida ida nee Primeru atu haree ba iha kuantidade, trabaladores neebe Mak ba servisu iha Rai liur hanesan, iha Australia hamutuk 22 mil, Koreia 7.900, Japaun hamutuk 88, no ba Nova Zelandia hamutuk nain 10, Ida ne’e mak total husi trabaildor sira neebe servisu ona iha ema nia rai
“Serimonia Ida neebe importate tebes ba parte trabaildor, familia ho governu atu asina termu aseitasaun hodi trabaildor Sira bele tuir promesa hirak neebe sira halo ka promete ho governu no kompania nain Sira atu nune’e reprezenta Timor hodi buka Moris no experiesia iha ema nia nasaun” Nia esplika
Nia hatutan, Objetivu Ida ne’e importante tebes hodi fo mensajen ba Ita nia trabaildores sira katak SEFOPE Haruka ona numeru trabaildores mak barak ba servisu ona iha Nasaun 4 maibe SEFOPE nunka rejistu kazu sira kona-ba kria problema ka konfrontu sira kona-ba Arte marsiais nian.
“Traballdores neebe mak SEFOPE Haruka hahu 2009 too Mai 2026 nunka iha problema Ida neebe Mak iha Arte Marsiais no Arte Ritual ka oho malu ruma tanba kor ka rasa Sira, ida ne’e nunka akontese ba program laboral ba iha nasaun hirak ne’e tanba Ita eduka ona Oan sira liuhusi formasaun molok Sira atu sai ba ema nia rai”, dehan Rojeiru.
Iha Fatin hanesan, trabalador Koreia Nelson Maia hateten, Nia parte orgullu ba oportunidade hirak neebe nia hetan husi SEFOPE nune’e, Nia sei uza oportunidade refere ho diak no prontu tuir promesa hirak neebe nia rasik promete ona ba governu Timor-Leste atu hala’o Servisu neebe diak iha Koreia, nune’e bele ajuda familia no troka Aman sai Ai mahon ba alin nain 4.
” Hau sente orgullu tebes bele hetan oportunidade ida ne’e, tanba entre joven barak neebe kompete ba oportunidade ne’e maibe Hau mos bele hetan, Ida ne’e hanesan grasa Ida Mai Hau, tanba durante ne’e, Hau nia Aman Mai sai mahon ba ami nain 5 maibe liuhusi oportunidade Ida ne’e hau bele troka aman nia fatin no prontu servisu iha ema Rai hodi sai fali mahon ba alin nain 4 neebe sei kiik”, Dehan Nelson
Mensajen simples ne’ebe Hau hakarak hatoo iha fatin ne’e mak, hakarak Inan Aman nia hamanasa no orasaun hodi akonpaina nafatin ami bele too ema nia rai ho diak no no sei hetan servisu neebe diak no bele ultrapasa dezafiu hotu nunee ami bele fila fali mai iha Timor mos sei haree nafatin Inan Aman nia hamanasa, Nia hakotu.
