Home Notisia Kazu Isin Rua Sedu, GMPTL Husu ANC Halo Sensura Ba Website Pornografia...

Kazu Isin Rua Sedu, GMPTL Husu ANC Halo Sensura Ba Website Pornografia Sira

1300
0
Prezidente GMPTL, deputada Lidia Norberta. [Foto: Francisco JDA | 24.08.2020]

Reportazen Francisco JDA

Situasaun real ne’ebe akontese iha komunidade nia leet, liu-liu ba uha kazu soe bebe, dalabarak hamosu interpretasaun ne’ebe fo sala ba feto. Relasiona ho ida ne’e, Grupu Mulher Parlamentu Timor-Leste (GMPTL), husu atu labele penaloza feto maibe penaliza mos mane.

Prezidente GMPTL, deputada Lidia Norberta ba jornalista sira hateten GMPTL nia prespektiva hosi dadus ne’ebé hetan hosi Instituisaun Relevante sira kuaze ema hotu ne’ebé uja telefone, labarik sira uja ne’e sempre asesu ba iha pornografia makaas, tanba ne’e mak husu mós Autoridade Nasionál Komunikasaun (ANC) atu bele kontrola ka halo sensura ba website sira ne’ebé relasiona ho pornografia.

Sira mos hatete katak iha Organizasaun Feto Potensial balun rekomenda hodi hare mós ba fatin prostituisaun sira. Tuir sira fatin prostituisaun sira ne’e mak maioria ema atu halo buat ruma, halai ba iha ne’eba.

“Labele kontrola de’it feto tanba se la kontrola bele mos mane mak halo ida nee, ita pelumenus hatene sira nia paradeiro iha ne’ebé no Liberdade,  maibe liberdade hela iha uma ida iha dever atu hatete ba uma nain katak halo ida ne’e ka ida ne’ebé , ne’e uma nain nia responsabilidade atu hatene ita boot halo ida ne’e ka ida ne’ebá”, hatete Presidente GMPTL, Deputada Lidia Norberta Iha Parlamentu Nasionál, 24/08.

Presidente GMPTL reforsa tan, sosiedade ida ohin loron ne’e evoiluido los hotu-hotu asesu ba Informasaun, liga ho tempu uluk liberdade ne’e ema hotu responsabiliza  maibé ohin loron ema la kontrola ema nain rua feto ida ho mane ida la’o hamutuk avontade.  Iha mós kestaun balun foin Pre-Sekundaria ka Sekundaria  isin rua ona,  iha situasaun balun buka halakon bebe, balun fali iha responsabiliza tanba iha neon maske sira sala, maibé kontinua kria kondisaun ba sira.

“Ema hotu iha responsabilidade katak edukasaun sexual saúde reprodutiva, ema ida ne’ebé mak isin rua sedu, nia hatene dehan risku ba nia ne’e boot mak nia idade seidauk to’o para nia iha oan ida. Ne’e mak risku, nia bele mate sé bainhira nia lakonsege dada is, ida fali mak ita boot nia futuru rasik, goza tempu hanesan joven, inves eskola maibé lakon tiha tempu. Se isin rua sedu nia kauza mak ekonomia, se mane ho feto la servisu, hamosu mal nutrisaun”, hatete Prezidente GMPTL.

GMPTL husu ANC oinsá mak kria baze legal ida, atu nune’e bele halo sensura ba website sira ne’ebé ho konten pornografia ne’e, tanba selae ema hotu-hotu konsumu maibé iha rai seluk, sempre kontrola website sira ne’ebé relasaun ho pornografia.

Print Friendly, PDF & Email

LEAVE A REPLY

Please enter your comment!
Please enter your name here