Home Notisia Genoveva Lor-loron Kuru Bee Moos Iha Mota, Fila Uma Kontinua Halo Serbisu...

Genoveva Lor-loron Kuru Bee Moos Iha Mota, Fila Uma Kontinua Halo Serbisu Uma nian

367
0
Genoveva ho nia oan ba kuru bee moos. [Foto: Helena Pereira | 24.08.2020]

Reportazen Helena Pereira

Bee moos nudar nesesidade ema ida nian ne’ebe importante, ema hotu iha direitu asesu bee moos iha idak-idak nia uma ou besik sira nia uma, bainhira ema ida sei labele asesu ba bee moos no tenke la dook hodi ba kuru, signifika ema nee sei moris kiak nia laran.

Situasaun ida ne’e mak komunidade sira iha Taibesi hasoru tanba tenke lao dook hosi uma ho sira nia jerigen, hakat ba mota Bekusi hodi kuru bee. Kuaze tinan lima nia laran, sira labele asesu bee moos iha sira nia uma ka besik sira nia uma.

Tinan lima ona sira la assesu ba be’e mos sira kuru be’e iha mota laran , pas iha dezastre naturais ne’ebe mak iha fulan hirak liu ba,ida ne’emak kanu iha mota laran ne’e nakfera  hodi hamosu bee ne’ebe  mak agora daudaun komunidade taibesi  kuru.

Neon Metin dadalia ho Genoveva da Silva hela iha Taibesi ho nia jerigen hakat mai iha mota Bekusi hodi bele kuru netik bee moos. Ba Neon Metin Genoveva konfesa katak moris favoravel tanba laiha bee hodi tein, fase ropa no haris.

Genoveva ho nia laen lor-loron sempre mai kuru bee, lao hosi nia uma iha Taibesi, hodi to’o iha ponte Bekusi.

“Hau mai kuru be’e hotu, fila uma sei iha tan servisu uma, lorloron ajuda nia laen halo to’os, kuda modo ba fa’an, halo servisu uma laran nian no hare oan sira”, konfesa Genoveva ba Neon Metin.

Genoveva ho oan nain haat, moris nudar agrikultor tenke pasensia hodi lor-loron ba kuru bee moos no kontinua halo serbisu uma laran nian, hodi tau matan ba nesesidade uma laran nian.

’’Ha’u sente laran moras tebes tamba ami la iha bee, iha ema barak mak mai hare ona no entrevista ona ami, maibe nia rezultadu to’o agora seidauk iha.  Ami lao nafatin ho distansia ne’ebe dok hodi kuru bee moos, bee ne’e laos ba kuru de’it maibe iha balu haris no fase ropa’’, dehan Genoveva ba Neon Metin iha mota Bekusi.

Genoveva tenik katak bainhira bee iha mota maran, sira tenke lao ba buka tuir kanu hodi bele hetan bee. Sekarik lao mak kanu aumenta dook, sira kontinua lao nafatin hodi hetan bee, “ami mos sosa bee iha ema ne’ebe faan gerobak ida $1.00, ami pasensia sosa tamba ami presija tebes bee”.

Genoveva konfesa katak sira lakohi atu husu bebeik ba governu, tamba hare ba situasaun agora governu sira sei preokupa ba pandemia COVID-19, “sekarik husu sira la ajuda mos hanesan de’it”.

Iha parte sorin Diretor Geral Agua Saneamentu Ijieniku iha talkshow ne’ebe organiza hosi FONGTIL iha fulan kotuk liuba hateten komunidade sira iha urbana asesu bee moos atinji ona 80% no iha rural atinji ona 71%, maibe realidade ema kontinua kuru bee moos ho distansia dook.

*(Helena Pereira estajiadu iha media RENETIL Neon Metin)

Print Friendly, PDF & Email

LEAVE A REPLY

Please enter your comment!
Please enter your name here