Home Notisia Loron Liberdade Imprensa, AJTL Husu Entidades Respeita Serbisu Jornalista nian

Loron Liberdade Imprensa, AJTL Husu Entidades Respeita Serbisu Jornalista nian

413
0
AJTL hamutuk ho membru AJTL sira. [Foto: Francisco JDA | 03.05.2021]

Reportazen Francisco JDA

Serbisu jornalista nu’udar knaar importante ida ne’ebe atu fó informasaun ba públiku, no hametin demokrasia mak serbisu jurnalismu nian, kontinua promove liberdade imprensa no espresaun atu fo biban ba ema hotu hodi hato’o preokupasaun, problema sira povu hasoru nune’e knaar jornalista mak sai matan no tilun ba povu no hato’o lia los ba públiku liu hodi kanal media Eltroniku no Plataforma online sira

Ho komemorasaun loron Liberdade imprensa ba tinan 2021, liu hosi Asosiasaun Jornalista Timor Lorosa’e (AJTL) nian konferensia imprensa, Prezidente AJTL, Zevonia Vieira husu ba públiku no entidades hotu, atu respeita serbisu jurnalismu iha baze, tanba serbisu jurnalista mak knaar importante iha nasaun ida ho hato’o iformasaun sira ba públiku.

“AJTL kontinua halo advokasia atu oinsá mak sosiedade bele komprende papel jornalista nian, bainhira hala’o serbisu iha terenu, entaun AJTL mós hala’o ona media literacy atu oinsá mak ema bele komprende papel jornalista no publiku bele halo diferensia serbisu jornalista nian no ema ne’ebe la’os jornalista, tanba serbisu jurnalismu mós hanesan ponte ida entre sosiedade no estadu, atu nune’e estadu bele responde preokupasaun povu nian, iha situasaun propagasaun ema ne’ebé mak vulneravel kontinua sai vuneravel liutan,  hodi buka solusaun ba preokupasaun ne’ebé durante ne’e povu hasoru,” hateten Prezidente AJTL, Zevonia Vieira iha sede AJTL, 03/05

Prezidente AJTL afirma tan, AJTL la iha poder boot liu atu influénsia media nain sira, maibé saida mak AJTL halo mak kontinua halo kampanya no advokasia, atu fo hanoin ba média nain sira, hodi respeita no komprende situasaun jornalista sira nian, “tanba media naran boot, tanba kontribuisaun jornalista nian

Media nain presiza proteje no asegura jornalista sira nia moris no fo salario ne’ebe dignu ba nia jornalista sira.

Print Friendly, PDF & Email

LEAVE A REPLY

Please enter your comment!
Please enter your name here