Home Notisia 3 Maiu, AJTL Husu Media Fo Informasaun Los no Kredivel Kontribui Ba...

3 Maiu, AJTL Husu Media Fo Informasaun Los no Kredivel Kontribui Ba Publiku nian Diak

530
0
AJTL halo konferensia imprensa. [Foto: Francisco JDA | 03.05.2021]

Reportaze Francisco JDA

Iha komemorasaun loron mundial Liberdade imprensa, liu hosi konferensia imprensa Asosiasaun Jornalista Timor Leste (AJTL)  husu ba jornalista no kanal media sira hotu, ne’ebé hala’o atividade jurnalismu atu transmite no públika informasaun ne’ebé loloos, kompletu no kredivel hodi kontribui ba públiku nia di’ak, iha situasaun propagasaun surtu COVID-19, maske  iha dominasaun plataforma teknolojia sosial media nian, nudar oportunidade ba ema iresponsave,l hodi fahe informasaun falsu ka fake News, tan ne’e AJTL iha responsabilidade moral atu produz no husu kanal media sira ba ema jerál atu ajuda sidadaun sira hodi halo Prevensaun ba Covid-19

Tema jerál ba loron mundiál liberdade imprensa iha tinan ida ne’e mak informasaun nu’udar bem publiku,  katak informasaun marka ba ema barak nia vida, nune’e oinsá mak bele fo informasaun lolos ba públiku liu hosi kanal media sira

Hafoin AJTL hala’o konferensia imprensa iha sede AJTL loron 03/05, Prezidente AJTL, Zevonia Vieira haktuir katak, transmisaun komunitaria ba COVID-19 ne’ebé akontese ona, publikasaun kanal media presiza ajuda fasilita sidadaun sira, atu hetan informasaun ne’ebé los, la’ós falsu, Hoax, no fake news ka liafuan bosok ne’ebé ema sempre espalla iha sosial media, maibé informasaun edukativu hodi ajuda publiku halo prevensaun, ajuda komunidade kuidadau sira nia saúde ba iha propagasaun ne’e.

Iha loron importante ne’e  AJTL apresia tebes dedikasaun no kontribuisaun jornalista timoroan no kanal media hotu ne’ebé kontinua fo sira nia kontribuisaun ba prosesu harii demokrasia no dezenvolvimentu nasaun nian, hosi publikasaun notisia no programa oin-oin maske ho limitasaun barak, hanesan hasoru risku iha propagasaun, no ekonomia la dun di’ak maibé jornalista nafatin iha komitmentu no espiritu hakarak fó duni informasaun ba públiku atu asesu

Zevonia esklarese tan katak, “dadaun ne’e Timor-Leste tama iha ranking ba 71 iha mundu, hosi nasaun 180 iha mundu no iha sudeste aziatiku Timor-Leste tama iha ranking primeiru, ne’e signifika katak liberdade Imprensa nafatin garantidu, tanba konstituisaun RDTL artigu 40 no 41, nune’e to’o ohin loron jornalista ida seidauk tama ba kadeia, espera hatudu nafatin ida ne’e ba futuru no sei sai di’ak liu tan“.

Iha Fatin hanesan, Xefe Departamentu Advokasia AJTL, Scos Vieira hatete katak, se ema halo asaun krime hasoru jornalista, bele hato’o ba Ministeriu públiku hanesan ema individual, no se ema la halo krime maibé ho liafuan de’it bele hato’o ba Konselho Imprensa (KI), atu nune’e bele hatene no importante tebes mak hato’o keixa hanesan vitima ba iha Ministeriu Públiku wainhira hasoru krime hosi sidadaun sira iha terenu.

Print Friendly, PDF & Email

LEAVE A REPLY

Please enter your comment!
Please enter your name here