Reportajen Umbelina dos Reis
Ministru Koordenadór Asuntu Ekonómiku (MKAE), Joaquim Amaral relata servisu sira mak halo ona durante estadu emerjénsia, no situasaun difisil durante pandemia Covid-19 no situasaun polítika rai laran durante ne’e.
Governante ne’e dehan desde 2017 ita nia kreximentu ne’e menus 3.1, mai tinan 2019 sa’e fali 2.1 (+2.1), depois 2020 nia tuun fali ba menus 8 (-8). Sitasaun ida ne’e governu tenki foti medidas ida ne’ebé drástiku atu bele sai husi situasaun ida ne’e.
Nia realsa tan, limitasaun sira ne’e mos halo funsionamentu ekonomia ladun di’ak, situasaun ida ne’e halo, iha final 2020 ita nia kreximentu PIB ne’e monu kontrasaun (00-8), entaun saida mak governu halo iha 2020 mak medidas lubuk ida governu halo iha faze estadu emerjénsia, nia dehan momentu ne’ebá Parlamentu Nasional mezmu seidauk aprova maibé governu la’o ho duodecimo, ho sensibilidade governu, konsege hetan aprova husi PN ne’ebé jere ho naran fundu COVID, atu nune’e governu bele iha kbiit bele jere situasaun sanitária no fo mitigasaun hodi hakmaan situasaun ekonomia nian.
“Iha fulan Abril simu $200 kada família, fo subsídiu ba iha eletrisidade, ba estudante sira inklui subsídiu ba estudante sira iha estranjeiru hodi sosa ai-han no subsídiu ba eletrasidade. Inisiativa governu ho Prezidente da Repúblika harii komisaun indepedente ida hodi halo estudu ba planu de ekonomia koperativa, prepara dokumentu ida ne’ebé governu adopta hanesan dokumentu Polítika VIII Govevernu konstituisional lideradu Primeiru Ministru Taur Matan Ruak. Planu rekoperasaun ne’e define iha faze kurtu, faze mediu no longu prazu emerjénsia,” dehan Ministru MKAE, Joaquim.
Nia dehan iha medidas 4 ne’e, medidas ida atu tulun família sira iha situasaun difisil hanesan ne’e, familia ho agrikultor sira asesu ba ai-han ne’e mak koñesidu ho sesta bázika, medidas seluk mak tulun empreza sira iha posibilidade, tulun mos setór informal sira atu nune’e hetan protesaun ruma, tanba medidas sira ne’e ho responsabilidade Ministériu Asuntu Ekonómiku.
