Home Notisia Governu Loke Sorteiu Lotaria Vasina Kontra COVID-19 Ba Suku Sira, Kada...

Governu Loke Sorteiu Lotaria Vasina Kontra COVID-19 Ba Suku Sira, Kada Premium Simu $100

855
0
Vasina AstraZeneca. [Foto: Copyright Financial times | 20.02.2021]

Reportajen David da Costa Gusmao

Governu ohin liu husi reuniaun Konsellu Ministru iha Kuarta ne’e, aprova ona dekretu lei ba kriasaun sorteiu “Lotaria Vasina kontra COVID-19” ne’ebe aprezenta husi Ministru Finansas, Rui Agostu Gomes.

Ministru Prezidensial Konselu Ministru, Fidelis Manuel Leite Magalhães esplika objetivu ba kriasaun dekretu lei ne’e  atu insentiva vasinasaun ba sidadaun sira ne’ebé  kompleta ona vasina  dose daruak.

“Iha suku sira sei iha lotaria ba pesoal sira ne’ebé mak vasina kompletu tiha ona , no manan nain ba lotaria ne’e  sei manan osan dolar amerikanu $100.00,” dehan Ministru Fidelis, liu hosi komunikadu imprensa , iha palasiu Governu , kuarta 23/06.

Nia haktuir, ba kada suku depende ba numero pesoal ne’ebe  vasina ona i premiu ne’e bele sae másimu ba ema nain sia, se minimu wainhira ema oituan deit mak simu vasina ka 50 ba leten mak simu vasina minimu mana nain ba ema ida deit.

Governante ne’e dehan tan ba populasaun sira ne’ebe iha kada aldeia ne’ebe simu nia vasina kompletu sei iha oportunidade atu manan osan husi $100.00.

“Iha aldeia sira ne’ebe  mos sira nia populasaun ho numero bo’ot simu nia vasina , sira sei bele atribui  lotaria vasina nian ba ema minimu nain sia,Ho nune’e  ba kada manan nain sei ihaa direitu atu hetan osan ho montante dolar amerika $100.00,” nia Promete.

Lotaria ne’e sei hahu iha fulan Agostu tinan ne’e no kontinua to’o  iha fulan hirak oin mai ,tanba ne’e  kada fulan sei iha lotaria vasinasaun iha suku sira iha teritoriu laran tomak.

Governante  ne’e  esplika, sorteiu nee sei hala’o kada fulan iha suku sira, iha loron 20 kada fulan. Numeru prémiu ne’ebe atribui husi kada sorteiu depende ba numeru ema ne’ebé maka vasina ona iha area suku nian.

Entre ema 50 no 150 ne’ebe vasina ona iha fulan ne’e mak atribui prémiu entre ema 151 to’o 300 simu ona vasina fulan ne’e sei atribui premiu tolu,  entre ema 301 no 500 ne’ebe simu ona vasina iha fulan ne’e sei atribui premiu neen,  no ema 501 ba leten ne’ebé simu ona vasina fulan ne’e sei atribui premiu sia.

Nia dehan tuir previjaun orsamentu ba lotaria vasinasaun covid-19 ne’e alokasaun hamutuk $2 miloens.

 “Laiha fatin ba sorteiu karik iha fulan determinadu existe ema menus husi 50 mak abilitada atu partisipa, ema hirak ne’e sei integra fali ba-iha fulan tuir-mai,” hakotu nia.

Print Friendly, PDF & Email

LEAVE A REPLY

Please enter your comment!
Please enter your name here