Reportajen David da Costa
Governu Republika Korea liuhusi ninia embaixadór Korea iha Timor-Leste, iha protidaun atu apoiu Timor-Leste ninia preparasaun adezaun ba iha Asosiasaun Nasaun Sudeste Aziátiku (ASEAN) liuhusi kapasitasaun rekurus umanu ba Timoroan sira.
Embaixadór Republika Korea iha Timor-Leste, Shin Man Taek, hateten, asuntu ne’ebé ohin diskute ho Primeiru Ministru (PM) Taur Matan Ruak maka oinsa korea nia protidaun apoiu ba Timor-Leste ninia preparasaun atu halo adezaun ba Asosiasaun Nasaun Sudeste Aziátiku (ASEAN) ninian, tanba ne’e Governu korea hein hela pedidu husi Governu Timor-Leste atu apoiu Timor nia adezasaun ba ASEAN.
“Entaun apoiu sira hanesan kapasitasaun rekurusu umanu maka ami diskute, ne’ebé ami hein hela kuandu governu Timor-Leste hato’o pedidu ba governu korea ami prontu apoiu Timor-Leste nian adezaun ba iha ASEAN,” dehan embaixadór Korea nian iha Timor-Leste, Shin Man Taek, hafoin ramata enkontru ho PM Taur Mata Ruak, iha Palásiu Governu, Segunda 6/03.
Nia haktuir, korea nia haree Timor-Leste atu adere ba ASEAN presiza iha kapasitasaun iha rekursu umanu liuliu iha setór publiku sira, no seluk maka iha koinesimentu oinsa organiza eventu Internasionál sira no ekontru ASEAN nian ne’ebé sei halo barak iha Timor-Lest, entaun Timor-Leste presiza iha area IT ninan para bele inklina-an iha ASEAN.
Tanba ne’e, governu Korea komprimitidu Timor-Leste kuandu tama ASEAN fiar katak sei sai di’ak liu iha etapa tuir mai, no korea fiar Timor-Leste bele tama iha ASEAN.
Alende ne’e, ohin Embaixadór Korea ho Xefe Governu mós diskute kona-ba oinsá atu dezenvolve sektór sosiál sira seluk ne’ebé maka kontribui hasa’e moris di’ak bens setar povu nian maka iha area saúde, nutrisaun nomós edukasaun ninia, oinsá maka korea bele mós apoiu iha area tolu ne’e nian, para kontribui ba iha dezenvolvimentu area umanu ninian.
